बुवाको सांगीतिक यात्रा पछ्याउँदै गुञ्जन

माघ ४, २०७५ शुक्रबार १५:२०:४० | उज्यालो सहकर्मी

नेपाली सांगीतिक क्षेत्रमा फरक पहिचान बनाउन सफल तबलाबादक तुंगनाथ उपाध्यायकी कान्छी छोरी गुञ्जन उपाध्यायले अमेरिकामा पनि आफ्नो बुबाको लय पछ्याउँदै अघि बढिरहेकी छिन् ।

हाल परिवारसँग अमेरिकामा बस्दै आएकी गुञ्जनलाई उनका बुबा तुंगनाथले बच्चैदेखि गायन तथा संगीतको क्षेत्रमा डोर्याएका हुन् ।

बाबाको साथमा काठमाडौं मालीगाउँको आफ्नै घरमा उनले नेपालका प्रसिद्ध तबलाबादक पं. होमनाथ उपाध्यायले स्थापना गरेकाे ‘प्रस्तार’ समूहको साधना नजिकबाट अनुभव गर्ने मौका पाइन् । यसले पनि उनलाई सांगितिक क्षेत्रमा लाग्न थप उर्जा र ज्ञान मिल्यो ।

बागबजारकाे केएमसी कलेजमा पढाइ चलिरहेकै बेला उनी अमेरिकातिर लागिन् । त्यतिबेला उनी चण्डी काफ्लेसित शास्त्रिय संगीत सिक्दै थिइन् भने गुरू पं होमनाथ उपाध्याय र सन्तोष वर्मासंग तबला पनि सिकिरहेकी थिइन् ।

उनले माधुरी ताई, पद्मविभुषण रामदेश पाण्डेकी श्रीमती अर्चना देशपाण्डे आदि गुरूहरुबाट पनि केही समय गायन सिकिन् । उनले काठमाण्डौमै प्रवीण बुडापिर्थी सँग केही समय पियानो समेत सिकिन् ।

गुञ्जनको घरमा सांगीतिक माहोल रहने गर्दछ । उनकी आमाले ललितकला क्याम्पसमा केही समय सितार सिकेकी थिइन् भने दिदी अन्तराले गुरु गोपालनाथ योगी, रुपक र नोर्वु छिरिङबाट भायोलिन । गुञ्जनका बुुवा तुंगनाथ स्कुलहरुमा र स्कुल बाहिर सांगीतिक कार्यक्रमहरु चलाउँथे ।

नेपालबाट अमेरिका पुगेपछि पढाइको साथसाथै उनको सांगीतिक यात्राले पनि उचाइ लियाे । अहिले विभिन्न कार्यक्रमहरुमा उनका प्रस्तुतिले विशेष महत्व पाउँदै गैरहेका छन् ।

उनी अमेरिमामा विभिन्न संघ संस्थाले आयोजना गर्ने कार्यक्रमहरुमा गाउँथिन् । त्यसै क्रममा सन् २०१३ मा नेपालीहरुद्धारा संचालित संस्था ए.एन.ए.को सुपरनोभा ट्यालेन्ट कम्पिटिसनमा भाग लिएर प्रथम पनि भइन् । यसले उनलाई थप हौसला प्रदान गर्दै थप उचाइमा पुर्यायो ।

सन् २०१५ मा ट्वान्टि आवर्स रेडियो स्टेसनले आयोजना गरेको ‘ट्यालेन्ट सिंगिंग कम्पिटिसनमा’ पनि भाग लिइन् । डालसका ६० उत्कृष्ट सहभागीमध्ये हिन्दी गीतमा उनीमात्र एक नेपाली चेली थिइन् जसले फस्ट रनर अपको उपाधि हात पारिन् ।

उनले गाएका विभिन्न कभर गीत पनि दर्शकले रुचाएका छन् । हाइलाइट्स नेपालमार्फत केही समयअगाडि मात्र उनले आफ्ना बुवाको शब्द तथा संगीतमा ‘माया कस्तो लाएँ’ बोलको गीत दर्शकमाझ प्रस्तुत गरेकी छिन् ।

अन्तिम अपडेट: फागुन ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्