‘अनुराग’पछि दोस्रो चलचित्रको तयारीमा एलिजा

माघ ८, २०७५ मंगलबार ७:३६:१३ | उज्यालो सहकर्मी

सिनेमा अनुरागबाट डेब्यू गरेकी अभिनेत्री एलिजा गौतमले पहिलो सिनेमामा राम्रो काम नगरेको भन्दै धेरै आलोचना खेपिन् । उनलाई धेरैले सिनेमामा अभिनय सिकेर मात्र आउनु पर्ने सुझाव दिए । सिनेमा हेरेर अरुले दिएको सुझावलाई एलिजाले सकारात्मक रुपमा लिएर अघि बढेकी छिन् ।

सबैको सुझाव र सल्लाह अनुसार एलिजा यतिबेला दोस्रो प्रोजेक्टको तयारीमा जुटेको विशेष स्रोतले जनाएको छ ।

अबको प्रोजेक्टमा भने एलिजाले अनुरागमा गरेका गल्तीहरु सकेसम्म नगर्ने तयारी गरिरहेकी छिन् । उनको दोस्रो प्रोजेक्टले दर्शकहरुलाई सरप्राइज दिनेछ ।

यतिबेला एलिजा बाहिरी ब्यानरका सिनेमाको तयारीमा छिन् । उनी अब केही समय बाहिरी ब्यानरका सिनेमामा काम गरेर मात्र आफ्नो ब्यानरमा सिनेमा निर्माण गर्ने तयारीमा छिन् ।

उनको डेब्यू सिनेमा अनुरागका प्रस्तुतकर्ता ऋषिराज धमला अर्थात् उनका श्रीमान थिए ।

दुईवटा सन्तानकी आमा बनिसकेकी एलिजालाई सिनेमामा प्रवेश गर्नु निकै चुनौतीपूर्ण थियो । उनलाई परिवारले साथ दिए पनि सिनेमा उद्योगमा प्रवेश गरेपछि भने केही अप्ठ्यारो पर्यो । धेरैले उनलाई विवाहित र दुईवटा सन्तानकी आमाको रुपमा हेरे जसले एलिजाको चित्त दुख्यो ।

हामीसँगको कुराकानीमा पनि एलिजाले आफूलाई सिनेमा उद्योगको यो पक्ष मन नपरेको बताइन् ।

उनले एउटा अभिनेत्रीलाई सिनेमामा अनुबन्धित गर्दा ऊ विवाहित हो की हैन ? छोराछोरी पाएकी छ कि छैन ? भनेर नहेरी उसको काम हेर्न जरुरी भएको बताएकी छिन् ।

–उज्यालो र गफगाफ डटकमको सहकार्य

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्