१३ हजार करोड भ्रष्टाचार गरेर भागेका भारतीय हिरा व्यापारी मोदी लण्डनमा पक्राउ

चैत ६, २०७५ बुधबार १६:६:३८ | एजेन्सी

भारतीय हिरा व्यापारी नीरव मोदी लण्डनमा पक्राउ परेका छन् ।

उनीमाथि पञ्जाब नेसनल बैंकको झण्डै २ अर्ब अमेरिकी डलर(१३ हजार करोड भारु) ऋण चुक्ता नगरेको आरोप छ । भारतले गएको अगस्टमा बेलायतसँग नीरव मोदीलाई सुपुर्दगी गर्न माग गरेको थियो । यसलाई भारतकै सबैभन्दा ठूलो बैंक घोटालाका रुपमा चिनिन्छ ।

लण्डन प्रहरीका अनुसार ४८ वर्षीय भारतीय व्यापारी मोदीलाई लण्डनको होल्बोर्न क्षेत्रबाट मंगलबार गिरफ्तार गरिएको हो । उनलाई बुधबार लण्डनको वेस्टमिन्स्टर कोर्टमा पेश गरिँदैछ ।

पञ्जाब नेसनल बैंकबाछ सन् २०१८ मा नीरव मोदी र उनका काका मेहुल चौकसीको नेतृत्वमा रहेको गहनाको कारोबार गर्ने समूहमाथि झुटो बैंक ग्यारेन्टी पेश गरेर ऋण लिएको आरोप छ ।

यो आरोप सार्वजनिक हुनुभन्दा पहिले नै नीरव मोदी भारतबाट भागेका थिए । मोदी र चौकसीले भने आफूहरुमाथि लागेको भ्रष्टाचारको आरोप गलत भएको बताउँदै आएका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्