बसपा प्रमुख मायावती आउँदो भारतीय लोकसभा चुनावमा नउठ्ने

चैत ६, २०७५ बुधबार १८:३३:५१ | एजेन्सी

भारतमा लोकसभा चुनाव नजिक आउँदै गर्दा बहुजन समाज पार्टी(बसपा) की सुप्रिमो (प्रमुख) मायावतीले आउँदो चुनाव नलड्ने बताएकी छिन् ।

बुधबार लखनउमा आयोजित एक पत्रकार सम्मेलनमा उनले भनिन्, ‘मैले चाहे हरेक लोकसभाको चुनाव जित्न सक्छु । तर हाम्रो गठबन्धनको हितलाई मध्यनजर गर्दै म चुनावमा उठ्ने छैन । अगाडि आवश्यक परेको खण्डमा जुनसुकै सिटबाट पनि चुनावमा उठ्न सक्नेछु ।’

उनले पछि जुनसुकै सिट खाली गराएर भए पनि आफू संसद जान सक्ने पनि बताइन् । ‘म चुनावमा उठेँ भने मैले रोक्दारोक्दै पनि कार्यकर्ता मेरो सिटमा प्रचारका लागि जानेछन् । यसले बाँकी सिटमा पनि असर पर्छ । त्यसैले मैले चुनावमा नउठ्ने निर्णय गरेकी हूँ ।’

Bahujan Samaj Party (BSP) Chief Mayawati: I will not contest the Lok Sabha elections. pic.twitter.com/88oGmtd6Ww
— ANI UP (@ANINewsUP) 20 March 2019

उत्तर प्रदेशमा रहेका ८० लोकसभा सिटमा बहुजन समाज पार्टी, समाजवादी पार्टी तथा आरएलडी गठबन्धन बनाएर चुनावी मैदानमा उत्रँदैछन् । बसपा ३८, सपा ३७ र आरएलडी तीन सिटमा चुनाव लड्दैछन् । अमेठी र रायबरेली भने बिनागठबन्धन कांग्रेसलाई छोडिएको छ ।

गएको जनवरीमा बसपासँग गठबन्धनको घोषणा गर्दै सपाका अध्यक्ष तथा पूर्व मुख्यमन्त्री अखिलेश यादवले बीजेपीको अहंकारको विनाशका लागि गठबन्धन जरुरी भएको बताएका थिए ।

अन्तिम अपडेट: फागुन ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्