नेपाल बैंक लुटेको आरोप लागेका व्यक्ति नै उद्घाटन समारोहका अतिथि !

चैत ९, २०७५ शनिबार ७:९:५१ | सिताराम अधिकारी

धादिङ – नेपाल बैंक धादिङ शाखाको उद्घाटन समारोहको अनौठो दृश्य देखियो ।

शुक्रबार धादिङ शाखाको उद्घाटन समारोहमा नेकपाका नेता रामबहादुर भण्डारी अतिथिको आसनग्रहण गरे । अन्य नेताहरु पनि थिए । आकर्षणका केन्द्र जस्ता लाग्ने भण्डारीले जब शुभकामना मन्तव्य दिन मञ्चमा गए, तब अब उनले के भन्लान् भन्ने कौतुहलता सबैमा छाएको थियो ।

२०५४ साल माघमा नेपाल बै्रकको खहरे शाखाको २० लाख रुपैयाँ लुटियो । तत्कालीन माओवादीले कारबाही गरेको जनाएको थियो । तत्कालीन अवस्थामा माओवादीको नेतृत्व सम्हालेका नेता भण्डारीलाई बैक लुटेको आरोपमा ०५५ जेठ १८ गते सुरक्षाकर्मीले पक्राउ गर्‍यो ।

त्यही दिन राती उनलाई ज्यामरुङमा गोली हानेर घाइते पारिएपछि मानवअधिकारका लागि कार्यरत इन्सेकको सहयोगमा उपचार भयो । भण्डारीलाई प्रहरीले बैंक लुटेको आरोपमा मुद्दा लगाएर अदालत पेश गरेको थियो । अदालतमा नेपाल बैँकका तर्फबाट बयान दिने व्यक्तिले नेता भण्डारीले बैंकमा नलुटेको बयान दिएपछि भण्डारीले जितेका थिए ।

यही आरोप लागेर जेल परेका भण्डारीले २ सय ५८ औँ शाखाको रुपमा धादिङबेशीमा शाखा उद्घाटन गर्दा आफू नेपाल बैंकप्रति ऋणि रहेको भाषण गरेपछि सबै गम्भीर भएका थिए । आफूलाई सुरक्षाकमींबाट जोगाइदिएकोमा भण्डारीले आफू निकै खुशी भएको बताउँदै अब शान्ति प्रक्रियाबाट आर्थिक विकासका लागि देश अगाडि बढेका बेला आएको नेपाल बैंकले गरिबका लागि काम गर्नु पर्ने बताए ।

नेपाल बैंकका अध्यक्ष बासुदेव अधिकारीले सरकारको समेत लगानी रहेकोले यो बैंकले प्रभावकारी सेवा र सरकारले घोषणा गरेका कार्यक्रममा पूर्ण रुपमा लागु गर्ने बताउनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्