विप्लव नेतृत्वको नेकपाका नेता वलीलाई ३ दिनभित्र हाजिर गराउन सर्वोच्च अदालतको आदेश

चैत १४, २०७५ बिहीबार १९:३१:३ | उज्यालो सहकर्मी

काठमाण्डौ – नेत्रविक्रम चन्द ‘विप्लव’ नेतृत्वको नेकपाका मध्यकमाण्ड इञ्चार्ज हेमन्तप्रकाश वली ‘सुदर्शन’लाई पक्राउ गर्नुको कारणसहित तीन दिनभित्र अदालतमा हाजिर गराउन सर्वोच्च अदालतले सरकारलाई आदेश दिएको छ ।

बुवालाई प्रहरीले पक्राउ गरेपछि छोरी विपना वलीले सर्वोच्चमा बन्दी प्रत्यक्षीकरणको रिट दायर गर्नुभएको थियो ।

रिटमा प्रारम्भिक सुनुवाइ गर्दै प्रधानन्यायाधीश चोलेन्द्र शमसेर जबरा वलीलाई बन्दी बनाउनुको कारणसहित तीन दिनभित्र अदालतमा उपस्थित गराउन आदेश दिनुभएको हो ।

प्रधानन्यायाधीश जबराको एकल इजलासले पक्राउ गर्नुका कारण र बन्दीसहित तीन दिनभित्र अदालतमा उपस्थित हुन गृह मन्त्रालयको नाममा निर्देशन दिनुभएको हो ।

वलीलाई गएको शनिबार काभ्रेको खानीखोला–७, मिल्चेबाट प्रहरीले पक्राउ गरेको थियो ।

बा १७ च ४८९३ नम्बरको जीपबाट काठमाडौं आउँदै गर्दा वलीसहित ९ जनालाई पक्राउ गरिएको प्रहरीले दाबी गरेको छ ।

वलीसहित पक्राउ परेकामाथि संगठित अपराध मुद्दामा अनुसन्धान गर्न प्रहरीले जिल्ला अदालत ललितपुरबाट ८ दिनको म्याद लिएको छ ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्