एक दिनका लागि नेपालगञ्जकाे मेयर बनेका वर्मा, बत्ती बनाउन राति-राति सडकमा

चैत २०, २०७५ बुधबार २०:५४:२६ | गोविन्द शर्मा

बाँके - नगरभित्र राखिएका सोलार मर्मत सम्भारका लागि नेपालगञ्ज उपमहानगरपालिकाका कार्यवाहक मेयर दीपक वर्मा बुधबार राति आफै सडकमा खटिनुभएको छ ।

महिनौँसम्म पनि सोलार प्यानलको मर्मत नभएपछि कार्यवाहक मेयर वर्माले बुधबार प्राविधिक कर्मचारीलाई लिएर राति मर्मतसम्भारमा खटिनुभएको हो ।

नेपालगञ्ज उपमहानगरपालिकाका मेयर धवल शमशेर राणा र उपमेयर उमा थापा काम विशेषले जिल्लाबाहिर रहेकाले वर्माले बुधबार एक दिनका लागि कार्यवाहक मेयरको जिम्मेवारी पाउनुभएको हो । दीपक वर्मा नेपालगञ्ज उप–महानगरपालिका वडा नम्बर १८ का वडा अध्यक्ष हुनुहुन्छ । उहाँ नेपालगञ्ज उपमहानगरपालिकाका सक्रिय जनप्रतिनिधिमा गनिनुहुन्छ ।

नेपालगञ्जको जमूनाहदेखि कारकादौंसम्म १५० वटा सोलार प्यानल रहेकोमा झण्डै तीन दर्जन बिग्रेको पाइएको वर्माले बताउनुभयो ।

बुधबार रातिदेखि सुर्खेत रोडमा रहेका सबै सोलारबत्तीको प्राविधिक परीक्षण सुरु गरी बिहीबार बिहानदेखि मर्मतसम्भारको काम सुरु गरी सोलार बत्ती झिलिमिली पारिने वर्माले बताउनुभयो । कार्यवाहक मेयर भएपछि वर्मा बिहानैदेखि काममा खटिनुभएको छ ।

प्रमुख प्रशासकीय अधिकृत हरि प्याकुरेल, प्रवक्ता प्रमोद रिजाल, वडा नम्बर ६ का अध्यक्ष समीरप्रताप सिंहसहित बुधबार दिउँसो कार्यवाहक मेयर वर्माले ल्याण्डफिल साइटको स्थलगत अनुगमन गरी जानकारी लिँदै वैशाखदेखि फोहोर व्यवस्थापन कार्य सुरु हुने गरी निर्माणमा तीव्रता ल्याउन निर्देशन दिनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्