किसानलाई सहुलियत दिने नीति आउँछः रक्षामन्त्री पोखरेल

चैत ३०, २०७५ शनिबार २०:२२:११ | शिव ढुंगाना

ओखलढुंगा – उपप्रधान तथा रक्षामन्त्री ईश्वर पोखरेलले वर्तमान सरकारले किसानलाई सहुलियत र अनुदान दिएर आत्मनिर्भर बनाउने नीति ल्याउन लागेको बताउनुभएको छ ।

किसानलाई प्रोत्साहन गरेर व्यवसायिक बनाए मात्रै समृद्धि संभव हुने उहाँको भनाइ छ । प्रथम ओखलढुंगा राष्ट्रिय तथा अन्र्तराष्ट्रिय महोत्सवको शनिबार ओखलढुंगामा उद्घाटन गर्दै रक्षा मन्त्री पोखरेलले विगतमा किसान उपेक्षित भएकाले आत्मर्निभर बन्न नसकेको बताउनुभयो ।

ओखलढुंगा उद्योग वाणिज्य संघले आयोजना गरेको ११ दिने औद्योगिक महोत्सवलाई सम्बोधन गर्ने क्रममा पोखरेलले विगतका सरकारले कृषि उत्पादनमा रहेका किसानहरुलाई सहुलियत नदिएर अहिलेको अवस्था आएको दावी गर्नुभयाे ।

अहिले दैनिक भान्छामा प्रयोग हुने वस्तु आयात हुनुको मुख्य कारण कृषिलाई महत्व नदिएर नै भइरहेको भन्दै मन्त्री पोखरेलले वर्तमान सरकारले कृषिमा आत्मनिर्भर बनाउन अनुदान दिने गरी नीति ल्याउन लागेको जानकारी दिनुभयो ।

जनप्रतिनिधिहरुले टुक्रे र झिना मसिना कुरामा नभइ बृहत आर्थिक विकासका योजना बनाएर स्थानीय, प्रदेश र संघीय सरकारसँग समन्वयमा काम गर्नु पर्नेमा जोड दिनुभयो ।

अहिलेको सरकारको कृषिमा सहुलियत दिने कार्यक्रम निर्माण भइरहेको जनाउनुभयो । उहाँले विगतमा बन्द रहेका उद्योगहरु कसले कसरी बन्द गराए जनताले खोजविन गर्नु पर्ने बताउनुभयो । सरकारले आवश्यकताका आधारमा जनतालाई आत्मनिर्भर बनाउन उद्योगहरु स्थापना गरेर सञ्चालन गर्ने पनि जानकारी दिनुभयो ।

नेपाली कांग्रेसका केन्दीय सदस्य रमेश लेखकले आर्थिक समृद्धिका बाटोमा इटा थप्ने काम महोत्सव र मेलाले गर्ने बताउनुभयो । उहाँले जनप्रतिनिधहरुले पूँजीगत खर्च बढाउन पहल गर्नु पर्ने व्यवसायिक क्षेत्रमा अनुदान र सहयोग गर्ने नीति ल्याउनु पर्नेमा जोड दिनुभयो ।

कार्यक्रममा संघीय सांसद यज्ञराज सुनुवार, प्रदेश नंं १ अर्थ समितिका सभापति मोहन खड्का, सांसदहरु, संविधान सभाका सदस्यहरु, उद्योग वाणिज्य महासंघका केन्द्रीय सदस्य लगायत सरकारी निकायका प्रमुखहरुको उपस्थिति रहेको थियो ।

११ दिनसम्म चल्ने महोत्सवमा २ लाखले अवलोकन गर्ने र २ करोड बढीको कारोवार हुने लक्ष्य राखिएको छ । महोसत्सवको मुख्य आकर्षणका रुपमा १ सय ५० स्टलहरुमा स्थानीय उत्पादन तथा अन्य विदेशी सामग्रीहरु किन्न, बाल उद्यान तथा सांस्कृतिक कार्यक्रमहरु रहेका छन् । फोटाः महोत्सवको दृश्य ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्