छुट्टाछुट्टै दुर्घटनामा दुई जनाको ज्यान गयो

वैशाख १, २०७६ आइतबार १७:४६:५ | उज्यालो सहकर्मी

सर्लाही - सर्लाहीको नवलपुर-मलंगवा सडक खण्डमा आइतबार भएको जीप दुर्घटनामा एक जनाको ज्यान भएको छ । जीपमा सवार अन्य सात जना घाइते भएका छन् ।

सदरमुकाम मलंगवाबाट नवलपुर फर्किँदै गरेको बीआर ०१ पी बी ५९५९ नम्बरको भारतीय जीपले मोटरसाइकललाई जोगाउने क्रममा अनियन्त्रित भई जीप सडकमा पल्टिएको थियो । जीप पल्टिँदा सर्लाही वागमती नगरपालिका ८ घर भएका ४४ वर्षीय चीरञ्जीवी पोख्रेलको ज्यान गएको हो ।

निर्माणाधीन सडकमा पछिल्लो समय तीव्र गतिमा सवारी गुड्ने गरेकाले दुर्घटना बढेको प्रहरीले जनाएको छ । पोख्रेल तत्कालीन नेकपा एमालेका जिल्ला कमिटी सर्लाहीका सदस्य पनि हुन् ।

त्यसैगरी लालबन्दी नगरपालिका-११ पत्थरकोटमा मोटरसाइकलको ठक्करबाट स्थानीय ३५ वर्षीया अनिता जर्गा मगरको ज्यान गएको छ । उनलाई ना ३८ प ८२९५ नम्बरको मोटरसाइकलले बाटोमा हिँडिरहेका बेला ठक्कर दिएको थियो । मृतक दुवैको शव परीक्षणका लागि जिल्ला अस्पताल मलंगवामा राखिएको छ ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्