विप्लवलाई राजनीतिक मूलधारमा ल्याउँदैछौँ : गृहमन्त्री थापा

वैशाख ४, २०७६ बुधबार १३:४२:५४ | हरि हुमागाईं

मकवानपुर – गृहमन्त्री रामबहादुर थापा ‘बादल’ले राज्य र संविधानविरोधी गतिविधि गर्ने विप्लव नेतृत्वको नेकपालाई राजनीतिक मूल धारमा ल्याउनका लागि प्रयत्न भइरहेको बताउनु भएको छ ।

विप्लव समूहलाई यसअघि पनि राजनीतिक मूल धारमा ल्याउनका लागि प्रयत्न गरिएको र अब पनि यही काम भइरहेको उहाँले बताउनुभयो ।

गृह मन्त्रालयको आयोजनामा हेटौंडामा प्रदेश नम्बर ३ स्तरीय गोष्ठीको कार्यक्रमलाई बुधबार बिहान सम्बोधन गर्दै उहाँले कानुनविपरीत गतिविधि गर्नका लागि कसैलाई पनि छुट नभएको बताउनुभयो । देशभित्र ध्वङ्सात्मक गतिबिधि गर्नका लागि कसैलाई पनि छुट नभएको बताउँदै उहाँले भन्नुभयो’, राज्यविरुद्धका गतिविधि पहिले गर्दा सीके राउतलाई पनि पक्राउ गरिएको थियो । अहिले राज्यविरुद्धका ध्वंसात्मक गतिविधि गरिएकाले विप्लवका नेता कार्यकर्ताहरुलाई पक्राउ गरिएको हो ।’

देशको शान्ति सुरक्षालाई बलियो बनाउनका लागि प्रदेशभरिका जिल्लाका सुरक्षा निकायहरुसँगको यो कार्यक्रम आयोजना गरिएको उहाँले बताउनुभयो । वार्षिक रुपमा यस्ता कार्यक्रम गरिँदै आएको बताउँदै उहाँले देशको आन्तरिक शान्ति सुरक्षा मजबुत बनाउनका लागि कार्यक्रम गरिएको बताउनुभयो ।

भूमिसम्बन्धी अनियमितताको अन्त्य गर्नका लागि आफूहरु लागिपरेको बताउँदै गृहमन्त्री थापाले भन्नुभयो, ‘भ्रष्टाचार नियन्त्रण गर्ने पहिलो काम भनेर प्राथमिकताका साथ लागिपरेका छौँ ।’

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्