आन्तरिक कलह अन्त्य नभए कांग्रेस सिद्धिन्छ: कांग्रेस नेतृ कोइराला

जेठ ३, २०७६ शुक्रबार २०:२२:४९ | उज्यालो सहकर्मी

भक्तपुर - नेपाली कांग्रेसकी नेतृ एवम् पूर्व उपप्रधानमन्त्री सुजाता कोइरालाले कांग्रेसमा बढ्दो आन्तरिक कलहले कांग्रेस सिद्धिने बताउनु भएको छ ।

शुक्रबार भक्तपुरमा जिपी कोइराला फाउण्डेशनले आयोजना गरेको गिरिजाप्रसाद कोइरालाको तस्बिर प्रदर्शनी एवं विचार गोष्ठीमा उहाँले पार्टीभित्रको झगडा र गुटैगुटका कारण कांग्रेस कमजोर हुँदै गएकाले यसलाई सच्याएर अगाडि नबढे आगामी निर्वाचनमा पनि कांग्रेस पराजित हुने बताउनुभयो ।

कांग्रेस आगामी निर्वाचनमा पनि पराजित भए नेपालमा एक दलीय कम्युनिष्ट शासन लागू हुने बताउँदै उहाँले पार्टीभित्रको कलह र गुट उपगुट अन्त्य गर्नुपर्नेमा जोड दिनुभयो । जीपी कोइराला फाउन्डेशनको केन्द्रीय अध्यक्षसमेत रहेकी नेतृ कोइरालाले संसदमा आफ्नो पार्टीको संख्या कम भएकै कारण नेकपाले पेल्दै लागेको बताउनुभयो ।

उहाँले मुलुकमा शान्ति स्थापनार्थ नेतृत्वदायी भूमिका खेल्ने पूर्वप्रधानमन्त्री स्व.गिरिजाप्रसाद कोइरालालाई देशले बिर्सन नहुने बताउनु भएको छ । देशमा शान्ति स्थापनादेखि राजतन्त्र अन्त्य र संविधान निर्माणमा समेत सबै दलहरुलाई एकताबद्ध बनाइ अगाडि बढ्नुभएको कोइरालाको योगदानलाई कसैले भुल्न नहुने बताउनुभयो ।

जनयुद्धमा होमिएको तत्कालिन माओवादीलाई शान्ति वार्तामा ल्याउन, राजतन्त्र बिरुद्धको आन्दोलनमा सबै दलहरुको मोर्चाबन्दी बनाइ आन्दोलन गर्न र संविधान निर्माणमा समेत कोइरालाको अतुलनीय भूमिका रहेको बताउनुभयो ।

कार्यक्रममा नेपाली कांग्रेसका केन्द्रिय नेता गुरुराज घिमिरे, रिता खनाल, कमला पन्त, पूर्व सासंद लेखनाथ न्यौपाने, कांग्रेस भक्तपुर जिल्ला अध्यक्ष दुर्लभ थापा, जिपि फाउण्डेसनका जिल्ला अध्यक्ष विदुरमानसिङ बस्नेतले लगायतले गिरिजाप्रसाद कोइरालाले सहमति, सहकार्य र एकताका लागि खेलेको भूमिकाको चर्चा गर्नुभयो ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्