दैलेखमा मिनीट्रक दुर्घटना, तीन जनाको मृत्यु

जेठ १०, २०७६ शुक्रबार १७:११:२२ | उज्यालो सहकर्मी

दैलेख – ठाँटीकाँध गाउँपालिका–६ पाँचलामा मिनीट्रक दुर्घटना हुँदा तीन जनाको ज्यान गएको छ । सुर्खेतबाट दैलेखको ठाँटीकाँध जाँदै गरेको ना ८ ख २५८३ नम्बरको मालवाहक मिनीट्रक दुर्घटना भएको हो ।

मिनीट्रक दुर्घटनामा ज्यान गुमाउनेमा गाडी चालक २८ वर्षीय जोरबहादुर थापा, ठाँटीकाँधका मेडिकल सञ्चालक २५ वर्षीय दीपेन्द्र थापा र ठाँटीकाँधमै खुद्रा पसल सञ्चालन गर्दै आएका २७ वर्षीय धर्मबहादुर थापा रहेको ठाँटीकाँध गाउँपालिका–६ का वडा सदस्य रतन तिरुवाले बताउनुभयो ।

मिनीट्रक खसेको ठाउँ भीर र जंगल भएको कारण ढुवानी गरी ल्याइएका सामग्री छरपष्ट भएको तर उठाउन कठिन भएको उद्धारमा सहभागी प्रहरीले बताएका छन् ।

दुर्घटना भएको धेरै समयपछि अर्को गाडीका यात्रुले देखेर प्रहरीलाई खबर गरेपछि दुर्घटनाबारे थाहा भएको थियो । दुर्घटना के कारणले भयो भन्नेबारेमा अनुसन्धान भैरहेको जिल्ला प्रहरी कार्यालयका निमित्त इञ्चार्ज प्रहरी निरीक्षक प्रेमबहादुर थापाले जानकारी दिनुभयो ।

अन्तिम अपडेट: माघ ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्