सरकारको कार्यकालबारेकाे आफ्नो भनाइलाई अतिरञ्जित नगर्न नेकपा अध्यक्ष दाहालकाे आग्रह

 जेठ १८, २०७६ शनिबार १५:१५:२४ | उज्यालो सहकर्मी
unn.prixa.net

फाइल तस्बिर

काठमाण्डाै - नेपाल कम्युनिष्ट पार्टीका अध्यक्ष पुष्पकमल दाहालले सरकारको कार्याकालसम्बन्धी आफ्नो भनाइलाई अतिरञ्जित नगर्न आग्रह गर्नुभएको छ ।

शनिबार बिहान विराटनगर विमास्थलमा उत्रेलगत्तै सञ्चारकर्मीलाई संक्षिप्त प्रतिक्रिया दिँदै अध्यक्ष दाहालले सरकार गठनकै समयमा भएको सहमतिलाई लिएर अतिरञ्जित गर्नु आवश्यक नभएको बताउनुभएको हो । उहाँले आलोपालो सरकार चलाउने विषय पुरानै विषय भएको र यसअघि कैयौँ पटक सञ्चारमाध्यममा आइसकेकाले अनावश्यक प्रचारबाजीमा नजान अनुरोध गर्नुभयो ।

अध्यक्ष दाहालले भारतीय विदेश मन्त्री जो भए पनि त्यसले नेपालमा तात्विक असर नपार्ने दावी पनि गर्नुभयो । विदेश सचिव भएको सयमा नेपालप्रति अनुदार देखिएका एस. जयशंकर हालै भारतीय विदेशमन्त्री बनेको सन्दर्भमा नेपालमा पर्ने प्रभावका बारेमा सञ्चारकर्मीले राखेको जिज्ञासामा अध्यक्ष दाहालले यस्तो प्रतिक्रिया दिनुभएको हो । ‍

नाकाबन्दी, संविधान निर्माण लगायत प्रक्रियामा भारतले शिक्षा लिइसकेको र त्यस किसिमको घटना नदोहोरियोस् भनेर आफूहरुले पनि सर्तकता अपनाएकाले भारतीय विदेशमन्त्री जयशंकर नै भए पनि नेपालमा त्यसको तात्विक असर नपर्ने उहाँको तर्क थियो ।

संविधान निर्माण र नाकावन्दीमा महत्वपूर्ण भुमिका निर्वाह गरेका जयशंकर विदेशमन्त्री भएलगत्तै त्यसले नेपालमा पार्ने प्रभावबारे टिप्पणी हुन थालेका छन् । 

अन्तिम अपडेट: माघ ६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

भारतको तमिलनाडुमा साँढे जुधाइ प्रतियोगिताकाे क्रममा सात जनाको ज्यान गयो

२

यू–१९ महिला विश्वकप : अष्ट्रेलियाले स्कटल्याण्डलाई हरायो

३

भारतको कोलकातामा महिला चिकित्सकको बलात्कार र हत्याको घटनामा एक जना दोषी ठहर

४

शिक्षकहरुद्वारा योगदानमा आधारित पेन्सन योजनाको विरोध, आन्दोलन गर्ने चेतावनी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई