पोखरा महानगरपालिकामा कांग्रेसले लगाएको ताला खोलियो

असार १३, २०७६ शुक्रबार १४:७:२३ | उज्यालो सहकर्मी

कास्की – पोखरा महानगरपालिकाको मूल गेटमा कांग्रेसबाट निर्वाचित वडाध्यक्षलगायतका जनप्रतिनिधिहरुले लगाएको ताला खुलेको छ ।

महानगरपालिकाका नेतृत्व र असन्तुष्ट जनप्रतिनिधिबीच वार्ता भई वडागत रुपमा अत्यावश्यक योजनाहरुलाई थपघट गर्न सकिने सहमति भएपछि ताला खुलेको हो । वार्ता भई सहमति नभएको भए आजदेखि महानगरको काम ठप्प पारिदिने चेतावनी कांग्रेसबाट निर्वाचित जनप्रतिनिधिले दिएका थिए ।

महानगरपालिकाले आज बिहान पत्रकार सम्मेलन गरी छलफलबाटै समस्या समाधान गर्न आफूहरु तयार रहेको बताउँदै असन्तुष्ट पक्षलाई वार्तामा आउन आह्वान गरेको थियो । असन्तुष्ट पक्षले आज पनि तालाबन्दी गरी प्रदर्शनको तयारी गरिरहँदा नगरपालिकाका प्रमुख मानबहादुर आफै गेटमा पुगी ‘ताला खोल्नुस् जाऔं भित्र गएर वार्ता गरौं’ भनेर आग्रह गरेपछि वार्ता सुरु भएको थियो ।

वार्तामा असन्तुष्ट पक्षले राखेका कुरामा छलफल भई यस अघि भएका सम्पूर्ण कुराहरु बिर्सने र नमिलेका कुरालाई वडाबाट सिफारिस गरी पठाउने सहमति भएको थियो ।

महानगरपालिकाले आगामी वर्षका लागि ल्याएको बजेट बहुमतले पारित गरेपछि कांग्रेस पक्षका जनप्रतिनिधहरुले नगरसभा स्थल पोखरा सभागृहमा नै बजेट किताब च्यातेपछि दुई दिनअघि भनाभनको अवस्था सिर्जना भएको थियो । त्यसैको विरोधमा हिजो दिनभर गेटमा तालाबन्दी गरी प्रदर्शन गरिएको थियो ।

खासगरी वडाबाट सिफारिस भई आएका योजनाहरुलाई वेवास्ता गरी आफूखुशी बजेट किताबमा योजना समावेश गरेको, बजेटलाई अबण्डा राखी आफूखुसी वितरण गर्ने तयारी गरेको, कांग्रेसले जितेका वडामा कम बजेट दिएको आरोप असन्तुष्ट पक्षले लगाएका थिए ।

पत्रकार सम्मेलन तथा जनप्रतिनिधिहरुसँगको छलफलमा समेत जानीजानी बजेट किताबमा नचाहिँदा योजना नराखिएको र कुनै गल्ती भएको भए सच्याउने प्रतिबद्धता नगरप्रमुख जिसीले गरेका थिए । पोखरा महानगरले मंगलबार ७ अर्ब ५४ लाखको बजेट सार्वजनिक गरेको छ ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्