राजनीतिक हत्याका घटना दाेहाेरिन सक्छ: अध्यक्ष प्रचण्ड

 असार १४, २०७६ शनिबार १८:४:२४ | उज्यालो सहकर्मी
unn.prixa.net

काठमाण्डौ – नेपाल कम्युनिष्ट पार्टीका अध्यक्ष पुष्पकमल दाहालले राजनीतिक हत्याका घटना दोहोरिन सक्ने संकेत गर्नुभएको छ । 

मदन भण्डारीको ६८ जन्मजयन्तीको अवसरमा शनिबार राजधानीको राष्ट्रिय सभागृहमा आयोजित कार्यक्रमलाई सम्बोधन गर्दै अध्यक्ष खनालले राजनीतिक हत्या प्रतिहत्याका दोषी पत्ता लगाउन नसक्दा भविष्यमा त्यस्ता घटना दोहोरिन सक्ने भन्दै सजग गराउनु भएकाे छ । 

'मदन भण्डारीको नियोजित हत्या हो भन्ने सबैलाई लागेको भए पनि आजसम्म हत्यारा किटेर भन्न सक्ने प्रमाण प्रस्तुत गर्न नसक्दा भोलि पनि त्यस्तै घटना दोहोरिन सक्छ,' उहाँले भन्नुभयाे । नेपालको इतिहासमा उच्च राजनीतिक हत्या प्रतिहत्याका भयानक र लामो श्रृंखला भएको उल्लेख गर्दे अध्यक्ष दाहालले ठूला ठूला राजनीतिक हत्या प्रतिहत्याका घटनाहरु रोक्ने प्रयासमा सरकार अहिलेसम्म सफल हुन नसकेको धारणा राख्नुभयाे । 

मदन भण्डारी हत्या, उहाँका चालकको हत्या अनि दरबार हत्याकाण्ड भइसक्दा पनि अहिलेसम्म हत्यारा पत्ता लगाउन नसकेको भन्दै उहाँले गम्भीर हुनुपर्नेमा जोड दिनुभयो ।

उहाँले भन्नुभयो, 'हामीले अहिलसेम्म हत्यारा पत्ता लगाउन किन सकेनाैँ । के ले दिँदैन हामीलाई ? जनताले नदिएको त पक्कै होइन । हामी अहिले सरकारमा छौँ । सरकारको नेतृत्व गरेका छौँ तर भन्न सक्ने ठाउँमा छैनौँ । कमरेड मदन भण्डारीको रहस्यमय अवसान किन भयो र भोलि त्यस्तै हुँदैन भन्ने कुराको ग्यारेन्टी हामीले किन गर्न सकिराखेका छैनौँ, मेरो प्वाईन्ट त्यहाँनिर हो ।'

उहाँले राजाविरुद्ध बोल्न सक्ने र वैदेशिक प्रतिक्रियावादीलाई पनि ठाडै लल्कार्न सक्ने हैसियत राख्नसक्ने नेता पनि भएकाले प्रतिक्रियावादीहरुले हत्याको डिजाइन गरेको हो भनेर बुझ्न गाह्रो नभए पनि हत्यारा पत्ता लगाउन नसक्दा भविष्यमा पनि त्यस्ता घटना हुन सक्ने आंशका गर्नुभयो ।

उहाँले भन्नुभयो, 'तपाइँ हामी यसलाई मदन भण्डारीको महानता ठान्छौँ कि कमजोरी? कमरेड मदन भण्डारीको देशभक्ति, उद्देश्यप्रतिको निष्ठा र प्रतिक्रियावादीहरु प्रतिको उहाँको वर्ग दृष्टिकोण हो, त्यो । त्यस अर्थमा उहाँ महान हुनुहुन्थ्यो भनेर नै हामी भन्छौँ । मलाई चिन्ता लाग्ने कुरो के हो भने कतै हामी आजभोलि आफ्नो छाला बचाउनतिर लाग्नेमा त छैनौँ ? भाषा नरम गरेर नरिसाउन प्रतिक्रियावादी भन्नेतिर पो जान लागेका त छैनौँ ? अहिलेसम्म हामी मारिएका छैनौँ । मारिन पनि सक्छौँ । यहाँ विचारणीय छ ।'

उहाँले वर्तमान सरकार जनताका आकांक्षा सम्बोधन गर्ने र राष्ट्रिय अन्तर्राष्ट्रिय शक्तिहरुलाई सन्तुलन राख्ने प्रक्रियामा असफल भए दुई नेताको मात्रै असफलता नहुने भन्दै उहाँले सिंगो मुलुकको प्रणाली नै खतरामा पर्ने संकेत गर्नुभयो ।

उहाँले सबैखाले पुर्वाग्रह र संकिर्णतामाथि विजय हासिल गर्दै देश काल परिस्थितिको माग अनुसार मिल्नसक्ने जति सबै मिलाएर अघि बढ्ने संकल्प गर्नुपर्ने र यही पाठ नै मदन भण्डारीबाट सिक्नुपर्ने बताउनुभयो ।

अन्तिम अपडेट: माघ ४, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • khagendra karki

    June 29, 2019, 7:23 p.m.

    Mistake: अध्यक्ष खनालले राजनीतिक हत्या प्रतिहत्याक

  •  0 Reply

तपाईको प्रतिक्रिया

समाचार

लोकप्रिय

१

भारतको तमिलनाडुमा साँढे जुधाइ प्रतियोगिताकाे क्रममा सात जनाको ज्यान गयो

२

यू–१९ महिला विश्वकप : अष्ट्रेलियाले स्कटल्याण्डलाई हरायो

३

भारतको कोलकातामा महिला चिकित्सकको बलात्कार र हत्याको घटनामा एक जना दोषी ठहर

४

शिक्षकहरुद्वारा योगदानमा आधारित पेन्सन योजनाको विरोध, आन्दोलन गर्ने चेतावनी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई