बालुवाको ढिस्कोमा पुरिएर एक जनाको मृत्यु, तीन जना घाइते

असार १६, २०७६ सोमबार १६:५९:२७ | उज्यालो सहकर्मी

बझाङ – वित्थडचिर गाउँपालिका–५ ओसैलमा सोमबार बालुवा खानी भत्केर एक महिलाको ज्यान गएको छ । तीन जना गम्भीर घाइते भएका छन् ।

बालुवा खानी भत्किँदा वित्थडचिर गाउँपालिका–५ ओसैलकी ३५ वर्षीया चाखुडी महरको ज्यान गएको गाँउपालिका अध्यक्ष प्रेमबहादुर बोहराले बताउनुभयो । घटनामा यही वडाका ३० वर्षीया गम्भा महर, ३६ वर्षकी कुटुरी महर र २८ वर्षका हरिभान महर गम्भीर घाइते भएको वित्थड प्रहरी चौकीका प्रहरी साहायक निरीक्षक धनञ्जय जोशीले जानकारी दिनुभयो ।

वित्थडचिर गाउँपालिका–५ को स्वास्थ्य चौकीको नवनिर्मित भवनको निर्माणका लागि मजदुरी काम गरिरहेका उनीहरु बालुवा निकाल्न लाग्दा माथिबाट ढिस्को खसेर पुरिएका हुन् । घटना भएको स्थानीयले देखेपछि हतारमा तीन जनाको उद्घार गरेका थिए भने एक जनालाई छिटो निकाल्न नसक्दा ज्यान गएको हो ।

गम्भीर घाइते तीनै जनालाई स्थानीय देउलेख प्राथमिक स्वास्थ्य केन्द्रमा सामान्य उपचार पश्चात नेपालगञ्ज रिफर गर्ने तयारी भएको गाँउपालिकाका अध्यक्ष बोहाराले जानकारी दिनुभयो । मृतकको पोष्टमार्टमका लागि देलेख प्राथमिक स्वास्थ्य चौकीमा लगिएको प्रहरीले बताएको छ । उच्च पहाडमा रहेको यस गाउँपालिकामा गिट्टी बालुवाका लागि पहाडका भित्ताहरुबाट बालुवा निकाल्ने प्रचलन रहेको छ ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्