सिरहामा ट्रकले भ्यानलाई ठक्कर दिँदा ३ जनाको मृत्यु

असार १६, २०७६ सोमबार १८:२४:१ | उज्यालो सहकर्मी

सिरहा – पूर्वपश्चिम लोकमार्ग अन्तर्गत लहान–११ पड्रिया चोकमा सोमबार अपरान्ह ट्रकले भ्यानलाई ठक्कर दिँदा ३ जनाको घटनास्थलमै ज्यान गएको छ । दुर्घटनामा एक दर्जनभन्दा बढी घाइते भएका छन् ।

पूर्वबाट पश्चिमतर्फ जाँदै गरेको ना १ ज ७४५४ नम्बरको भ्यान पड्रिया चोकमा रोकेर यात्रु चढाउँदै गरेको अवस्थामा यही दिशाबाट आइरहेको ना ८ ख २४१५ नम्बरको ट्रकले पछाडिबाट ठक्कर दिँदा भ्यानमा सवार तीन जनाको घटनास्थलमै ज्यान गएको हो ।

दुर्घटनामा धनगढीमाई नगरपालिका– ९ मुसहर्नियाका ४५ वर्षीय बुनुमाया तामाङ, गोलबजार नगरपालिका– ८ पुरानो चोहर्वाका ४२ वर्षीय गणपति राम, सिरहाकै बरियारपट्टी गाउँपालिकाका ७० वर्षीया बचियादेवी रामको घटनास्थलमै ज्यान गएको जिल्ला ट्राफिक प्रहरी कार्यालय लहानका प्रहरी नायव निरीक्षक मनोज चौधरीले जानकारी दिनुभयो ।

दुर्घटनाका घाइतेहरुको लहानमा रहेको रामकुमार उमाप्रसाद स्मारक अस्पताल तथा नर्सिङ होमहरुमा उपचार भैरहेको छ । गम्भीर अवस्थाका ६ जना घाइतेलाई थप उपचारको लागि धरान पठाएको प्रहरीले जनाएको छ ।

शव पोष्टमार्टमको लागि लहानस्थित राउस्मारक अस्पतालमा राखिएको प्रहरीले जनाएको छ । ट्रक र चालक प्रहरीको नियन्त्रणमा रहेको जनाएको छ ।

अन्तिम अपडेट: कात्तिक १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्