अर्घाखाँचीमा जीप दुर्घटना : तीन जनाको मृत्यु, ६ जना घाइते (अपडेट)

असार १९, २०७६ बिहीबार १२:१२:२८ | उज्यालो सहकर्मी

अर्घाखाँची - अर्घाखाँची – गोरूसिंगे–सन्धिखर्क सडकअन्तर्गत सुपादेउराली मन्दिर नजिकै जीप दुर्घटना हुँदा ३ जनाको घटनास्थलमै ज्यान गएको छ । ६ जना घाइते भएका छन । घाइतेमध्ये ४ जनाको अवस्था गम्भीर रहेको छ ।

सन्धिखर्क नगरपालिका–७, नरपानी, सुपादेउराली मन्दिरदेखि सन्धिखर्क जाने सडकमा उकालो बाटोबाट गाडी दुर्घटना भएको हो ।

दुर्घटनामा परि भूमिकास्थान नगरपालिका वडा नम्बर–३, धारापानी घर भई कृष्णनगर शिवपुर बस्ने ५२ वर्षीय सवारी चालक सुमन्त भुसाल र मालारानी गाउँपालिका वडा नम्बर ३ का ३७ वर्षीय रूद्रप्रसाद भुसालको घटनास्थलमा ज्यान गएको जिल्ला प्रहरी कार्यालय अर्घाखाँचीका प्रहरी नायब उपरीक्षक प्रकाश बिष्टले बताउनुभयो ।

ज्यान गुमाउने एक जनाको पहिचान हुन बाँकी रहेको छ । कपिलवस्तुको कृष्णनगरबाट सन्धिखर्क आउँदै गरेको लु १ ज १३२९ नम्बरको गाडी दुर्घटना भएको हो ।

अन्तिम अपडेट: पुस २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्