‘मिडिया काउन्सिल विधेयक’ संशोधन गर्ने नेकपाको प्रतिबद्धता

असार २०, २०७६ शुक्रबार १९:४१:३७ | उज्यालो सहकर्मी

काठमाण्डौ – सत्तारुढ दल नेकपाले मिडिया काउन्सिल विधेयक संशोधन गर्ने प्रतिबद्धता जनाएको छ ।

नेपाल पत्रकार महासंघसँगको भेटमा नेकपाका संसदीय दलका उपनेता सुवासचन्द्र नेम्वाङले मिडिया काउन्सिल विधेयक संशोधन गर्न प्रतिबद्ध रहेको बताउनु भएको हो ।

आफ्नै कार्यकक्ष सिहंदरबारमा मिडिया काउन्सिल विधेयक संशोधनको माग गर्दै पत्रकार महासंघका अध्यक्ष गोविन्द आचार्य नेतृत्वको टोलीलाई नेम्वाङले विधेयक संशोधन गर्न सरकार सकारात्मक रहेको पनि बताउनुभयो । उहाँले पत्रकारको आन्दोलनकै कारण राष्ट्रिय सभामा पेश भएको मिडिया काउन्सिल विधेयकलाई अगाडि नबढाइ होल्ड गरेर राखेको बताउनुभयो ।

सरकार पत्रकारकै हकहितमा रहेकाले यो विधेयक संशोधन हुने उहाँको भनाइ छ । विधेयकको पदाधिकारीको नियुक्तिको मापदण्ड, समाचार लेखेकै आधारमा कारबाही र जरिबानालगायतका बुँदा सच्चाउन महासंघले लिखित रुपमा ध्यानाकर्षण गराएको थियो ।

जवाफमा उहाँले सरकार विधेयक सच्याउन सकारात्मक रहेकाले आन्दोलन फिर्ता लिन आग्रह गर्नुभयो । महासंघका अध्यक्ष अचार्यले भने पत्रकार र सरोकारवालाहरुसँग छलफल गरेर मात्रै आन्दोलन गर्ने नगर्नेबारे निर्णय लिने बताउनुभयो ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘मिडिया काउन्सिल विधेयक’ संशोधन गर्ने नेकपाको प्रतिबद्धता

फाइल फाेटाे

तपाईको प्रतिक्रिया