प्रदेश १ का सचिव घिमिरेको तीन महिनामै सरुवा

साउन ६, २०७६ सोमबार ६:४२:८ | उज्यालो सहकर्मी

माेरङ - प्रदेश १ सरकारको भौतिक पुर्वाधार विकास मन्त्रालयका सचिव मनोज घिमिरेको तीन महिनामै सरुवा भएको छ ।

सरुवा भएर आएदेखि विवादास्पद छवी बनाएका घिमिरेलाई संघीय सरकारले कारबाही स्वरुप सरुवा गरेको स्रोतले जनाएको छ ।

स्रोतका अनुसार उनलाई खानेपानी मन्त्रालयमा सरुवा गरिएको छ । यसअघिका सचिव सागर राईको सरुवा भएपछि आएका घिमिरे कर्मचारीहरुलाई समेत दुख दिने तथा आर्थिक चलखेलमा फसेको गुनासो बढेपछि संघीय सरकारले कारबाही स्वरुप संघीय मन्त्रालय तानेको स्रोतको दावी छ ।

सचिवमाथि लागेका आरोप

सचिव घिमिरे सरुवा भएर आएदेखि नै उनीमाथि विभिन्न आरोपहरु लाग्दै आएको थियो । योजना/कार्यक्रम हाल्ने बेलैमा रकम माग्ने तथा काम सकेर भुक्तानी लिन आएका बेला पनि रकमको चलखेल गर्ने गरेको आरोप लाग्दै घिमिरेलाई लाग्दै आएको थियो ।

त्यस्तै कर्मचारीहरुलाई विभिन्न बहानामा दुःख दिने गरेको तथा कार्य सम्पादन मुल्याङ्कन बिगार्ने गरेको आरोप कर्मचारीले लगाएका छन् । समायोजन भएर आएका कर्मचारीलाई राम्रो ठाउँमा पार्दिने भन्दै रकम माग्ने गरेको कर्मचारीहरु नै बताउँछन् ।

घिमिरे चैत १८ गते प्रदेश १ मा सरुवा भएर आउनुभएको थियो । उहाँको अवकाश हुन पनि अब तीन महिना मात्रै बाँकी छ ।

‘भ्रष्टाचार गर्न नपाएको समुहले बिष बमन गर्यो’

सचिव घिमिरेले भने आफूमाथि अनर्गल आरोप लगाइएको बताउनुभएको छ । सरुवा सामान्य भएको भन्दै उहाँले भ्रष्टाचार गर्न नपाएको एउटा समुहले आफुमाथि अनर्गल आरोप लगाएको बताउनुभयो ।

‘जुन समूहले भ्रष्टाचार गर्न पाएनन् त्यो समूहले बिष बमन गरेको हो,’ उहाँले भन्नुभयो, ‘सरुवा भएर आएका कर्मचारीको काम गर्ने क्षमता छैन र विज्ञता छैन भने हटाउनु पर्छ ।’

कर्मचारीबाट धेरै अनियमिता तथा आर्थिक ऐन विपरितका कार्यहरु हुन खोजेको भने उहाँले स्वीकार गर्नुभयो । उहाँले भन्नुभयो, ‘प्रदेश १ मा यस्ता खालका कर्मचारी धेरै छन् ।’

योजनामा निर्माण र भुक्तानीको बिषयमा लागेको आरोपमा भने उहाँले कुनै जवाफ दिनुभएन । आफूले आफ्नो पदीय दायित्व निर्वाह गरेकोले सरुवाको बारेमा बोलिरहनु आवश्यक नरहेको उहाँले बताउनुभयो ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्