वाइडबडी खरिदमा भएको भ्रष्टाचार लुकाउन प्रधानमन्त्री सक्रिय : सभापति शाह

साउन ७, २०७६ मंगलबार १२:३६:८ | उज्यालो सहकर्मी

रुपन्देही - प्रतिनिधि सभाको सार्वजनिक लेखा समितिका सभापति भरतकुमार शाहले वाइडबडी खरिद प्रकरणमा भएको भ्रष्टाचारलाई प्रधानमन्त्री केपी ओलीले लुकाउन खोजेको आरोप लगाउनु भएको छ ।

रिपाेर्टर्स क्लब प्रदेश पाँचले बुटवलमा आयोजना गरेको साक्षात्कारमा बोल्दै उहाँले प्रधानमन्त्रीको दबाबलाई थेग्न नसकेर अख्तियार दुरुपयोग अनुसन्धान आयोगले समेत मुद्धा चलाउन ढिलाइ गरिरहेको बताउनुभयो । 'प्रधानमन्त्री ओलीले वाइडबडी खरिद प्रकरणलाई लुकाउन खोज्दै हुनुहुन्छ अख्तियारले त्यसलाई सहयोग गरिरहेको छ', सभापति शाहले भन्नुभयो ।

'लेखा समितिले भ्रष्टाचार ठहर गरेपछि प्रक्रिया अगाडि बढाउने वैधानिक निकाय भनेकै अख्तियार हो तर उसले पनि मुद्धा चलाउन ढिलाई गरिरहनु रहस्यको विषय हाे', सभापति शाहले बताउनु भयो ।

'तत्कालीन पर्यटन मन्त्री स्वर्गीय रवीन्द्र अधिकारी राम्रो मान्छे हुनुहुन्थ्यो उहाँले भष्ट्राचार गर्नुभएको थिएन' भनेर प्रधानमन्त्री ओलीले प्रष्टीकरण दिनु संसदीय मूल्य र मान्यताविपरीत रहेको शाहले बताउनुभयो ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्