भारतीय लरीकाे ठक्करबाट मोटरसाइकल चालकको मृत्युपछि नेपाल भारत सीमामा तनाव

दर्जनौँ मालवाहक गाडी तोडफोड, सडकमा टायर बालेर प्रदर्शन

साउन ९, २०७६ बिहीबार २०:५:९ | सुमन तिमल्सिना

माेरङ - भारतबाट आद्योगिक कच्चा पदार्थ बोकेर आएको लरीको ठक्करबाट विराटनगर महानगरपालिका–१५ रानीमा बिहीबार साँझ मोटरसाइकल चालकको मृत्यु भएपछि नेपाल–भारत सीमा क्षेत्र तनावग्रस्त बनेको छ ।

सीमानामा नेपालतर्फको भू–भाग अशान्त बनेको हो । घटनाको विरोधमा प्रदर्शन र तोडफोड हुन थालेपछि रानी बसपार्क क्षेत्रको अवस्था असामान्य बनेको छ । घटनाको विरोधमा उत्रिएका स्थानीय बासिन्दाले दुर्घटना गराउने लरीसहित कम्तीमा १३ वटा मालवाह‍क गाडीमा तोडफोड गरेको प्रहरीले जनाएको छ । भन्सार कार्यालय नजिकैको सडकमा टायर बालेर अहिले प्रदर्शन भइरहेको छ ।

टायर बालेर गरिएको प्रदर्शनका कारण भन्सारको काममा समेत बाधा पुगेको छ । घटनाको विरोधमा सुरु भएको नाराबाजी र प्रदर्शनले उग्र रुप लिएसँगै सवारी साधन पनि सञ्चालन हुन सकेका छैनन् । मालसामान बोकेका कतिपय गाडीहरु भारतबाट नेपाल प्रवेश गर्न पाएका छैनन् । भन्सार यार्डमा रहेका गाडीहरुको जाँचपास पनि रोकिएको छ ।

एन एल ०१ डी ३६९० नम्बरको लरीले बीआर ३८ आर ३२१३ नम्बरको मोटरसाइकललाई ठक्कर दिंँदा विराटनगर–१५ का २२ वर्षीय अमर सिंंहको घटनास्थलमै मृत्यु भएको मोरङ प्रहरीका प्रवक्ता डीएसपी राजकुमार खिउजुले बताउनुभयाे । दुवै सवारी साधन भारतबाट नेपालतर्फ आउँदै थिए ।

मोटरसाइकलले ओभेरटेक गर्ने क्रममा कर्कटपाता बनाउने कच्चा पदार्थ बोकेको लरीले ठक्कर दिँदा दुर्घटना भएको खिउजुले बताउनुभयाे ।मृतक सिंहकाे शव पोस्टमार्टमका लागि कोशी अस्पताल विराटनगर ल्याइएको छ । दुर्घटनापछि लरीका चालक भने फरार रहेकाे बताइएकाे छ ।

लरीले विराटनगर भन्सार कार्यालयमा सामानको जाँचपास गराएर विराटनगरतर्फ बढ्दै गर्दा दुर्घटना भएको हो । स्थानीय बासिन्दाले अहिले यात्रुवाहक तथा मालवाहक गाडी सञ्चालनमा अवरोध गरेका छन् ।

मृतकका बुवा श्रवण सिंहले तीव्र गतिमा रहेको लरीका कारण भएको दुर्घटनामा छोरा गुमाउनु परेको गुनासो गर्दै दोषीमाथि कारबाही हुनु पर्ने माग गर्नुभयाे ।

दुर्घटनापछि फरार रहेका लरी चालकलाई घटनास्थलमा उपस्थित गराउनु पर्ने, दोषीमाथि कारबाही हुनु पर्ने, लहरी लगायतका ठूला गाडीको ज्यादती बन्द हुनु पर्ने र मृतकका परिवारलाई उचित क्षतिपूर्ति दिइनु पर्ने स्थानीयको माग छ।

स्थानीय अक्षलाल साहले माग पूरा नभएसम्म आन्दोलन जारी रहने बताउँदै सामान बोकेर आएका ‘हेभी’ गाडी सधैं लापर्वाही तरिकाले चलाउने गरिएको र त्यसकै कारण बारम्बार दुर्घटना हुने गरेको बताउनुभयाे ।

इलाका प्रहरी कार्यालय रानीका प्रहरी निरीक्षक इन्द्रबहादुर रानाको नेतृत्वमा खटिएको प्रहरी टोलीले स्थिति नियन्त्रणमा लिने प्रयास गरिरहेको छ । यतिबेला घटनास्थलमा ठूलो संख्यामा सशस्त्र प्रहरी समेत परिचालन गरिएको छ ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भारतीय लरीकाे ठक्करबाट मोटरसाइकल चालकको मृत्युपछि नेपाल भारत सीमामा तनाव

दर्जनौँ मालवाहक गाडी तोडफोड, सडकमा टायर बालेर प्रदर्शन

फाइल तस्बिर

तपाईको प्रतिक्रिया