मध्यपहाडी लोकमार्गको गलकोट खण्डमा पहिरो, सवारी आवागमन ठप्प

साउन २१, २०७६ मंगलबार १२:१२:४४ | उज्यालो सहकर्मी

बागलुङ – मध्यपहाडी लोकमार्गको बागलुङ सदरमुकामदेखि गलकोट खरबाङ जोड्ने सडक अवरुद्ध भएको छ । मंगलबार बिहान ५ बजेको समयमा गल्कोट नगरपालिका–११ रिघा फेदीमा पहिरो खस्दा मध्यपहाडी लोकमार्ग अवरुद्ध बनेको हो ।

सडक अवरुद्ध भएपछि काठमाण्डौ बुटवल, पाल्पा, बागलुङ तिरबाट जाने र खर्वाङ तिरबाट आउने सवारी साधन बीचमै रोकिएका छन् । यात्रुहरु अलपत्र परेका छन् ।

सोमबार मात्रै अबिरल वर्षासँगै बडीगाड खोलामा आएको बाढीले बडीगाड गाउँपालिका र ढोरपाटन नगरपालिकाको दोसाँधमा रहेको तुरतुरे ताल फुटेपछि करिब २ सय मिटर मध्यपहाडी लोकमार्ग बगाएको थियो ।

लोकमार्ग भत्किएपछि जिल्लाको निसीखोला गाउँपालिका, ढोरपाटन नगरपालिका र तमानखोला गाउँपालिकाका नागरिक सिधा सवारी आवागमनबाट बञ्चित भएका छन् ।

तुरतुरे उता सडक अरुवद्ध भए पनि ग्वालीचौर, खरबाङ यताबाट भने सवारी सञ्चालन भएका छन् । तर मध्यपहाडीमा बीच बीचमा पहिरो खसेका कारण यात्रामा समस्या भएको बडिगाड गाउँपालिकाका अध्यक्ष मेहरसिंह पाइजाले बताउनुभयो ।

उहाँले अवरुद्ध सडक तत्काल खुलाउने बारे पहल भइरहेको र मध्यपहाडी लोकमार्ग आयोजना र अन्य स्थानीय तह र जिल्ला प्रशासनसँग समन्वय गरिएको जानकारी दिनुभयो ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्