सोलुखुम्बुको तिङ्गलामा कहिले हुन्छ चुनाव ?

साउन २१, २०७६ मंगलबार १४:२९:३९ | उज्यालो सहकर्मी

काठमाण्डौ – वडाध्यक्षसहित सबै सदस्यको पद खाली रहेको सोलुखुम्बुको सोलु दूधकुण्ड नगरपालिका–११, आउँदो मंसिर १४ मा हुने उपचुनावको सूचीमा समावेश भएको छैन ।

निर्वाचन आयोगले पालिका प्रमुख तथा वडाध्यक्ष गरी ४६ वटा पदको रिक्त सूची सार्वजनिक गरेको भए पनि सबै पद खालि रहेको सोलु दूधकुण्ड नगरपालिका ११ भने नसमेटिएको हो । साविकको तिङ्गला गाविस नेचासल्यान गाउँपालिकामा समेटिएपछि सोलु दूधकुण्ड नगरपालिकामा समेटिनुपर्ने माग गर्दै त्यहाँका नागरिकले २०७४ सालमा भएको पालिका, प्रदेश र संघीय सबै चुनाव बहिष्कार गरेका थिए ।

मन्त्रिपरिषद्ले तिङ्गलालाई सोलु दूधकुण्ड नगरपालिकामा समेट्ने निर्णय गरेर सोलु दूधकुण्ड नगरपालिका–११ कायम भइसकेको छ । अहिले वडा सचिवको भरमा वडा चलिरहेकोले चाँडो चुनाव गर्न त्यहाँका बासिन्दाले माग गरेको भए पनि उपचुनावको मिति तोक्दा सोलु दूधकुण्ड ११ लाई नसमेटेको मेयर नाम्गेल जाङबु शेर्पाले बताउनुभयो ।

तिङ्गलामा पनि मंसिर १४ मै चुनाव गराउन माग गर्दै आफूहरुले संघीय मामिला तथा सामान्य प्रशासन मन्त्री लालबाबु पण्डितलाई भेटेर ध्यानाकर्षण गराएको शेर्पाले बताउनुभयो ।

जनप्रतिनिधिविहीन भएको तिङ्गलामा तत्काल चुनाव गराउन सम्बन्धित निकायमा पटक–पटक आग्रह गरे पनि यसपटक समेत चुनावको कार्यसूची नराखिँदा आफू अचम्ममा परेको नगरप्रमुख शेर्पाले बताउनुभयो ।

मन्त्रालयले केही समयअघि नगरपालिकासँग जनप्रतिनिधि नरहेको वडाको विवरण माग गरेको थियो । त्यसैअनुसार मन्त्रालयमा विवरण पठाएको नगरप्रमुख शेर्पाले जानकारी दिनुभयो । उहाँले भन्नुभयो, ‘मन्त्रालयले विवरण माग गरेको र हामीले पटकपटक निर्वाचन गराउन अनुरोध गरेकाले यसपटक निर्वाचन हुन्छ भन्ने लागेको थियो, यसपटक पनि निर्वाचनको कार्यसूची सार्वजनिक नगरिँदा अचम्म लागेको छ ।’

यता निर्वाचन आयोगका प्रवक्ता शंकरप्रसाद खरेलले भने तिङ्गलामा उपचुनाव नभई विशेष चुनाव गर्नुपर्ने र त्यसका लागि मन्त्रिपरिषद्ले निर्णय गर्नुपर्ने बताउनुभयो ।

कहाँ कहाँ हुँदैछ चुनाव ?

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्