तत्कालीन नारायणहिटी राजदरबारमा रहेका महत्वपूर्ण दस्ताबेज कहाँ छन् ?

साउन २१, २०७६ मंगलबार १७:३२:५१ | उज्यालो सहकर्मी

काठमाण्डाै - संसदीय समितिले तत्कालीन नारायणहिटी राजदरबारको महत्वपूर्ण दस्ताबेजहरुको खोजी कार्य सुरु गरेको छ ।

राष्ट्रिय महत्वको दस्तावेजको अभिलेख राख्ने दायित्व पाएको संघीय संसदको प्रत्यायोजित व्यवस्थापन तथा सरकारी आश्वासन समितिले तत्कालीन राजाहरुले नारायणहिटी दरबारमा राखेका महत्वपूर्ण दस्ताबेजहरुको खोजी कार्यलाई अघि बढाएको हो । यसै अभियानअन्तर्गत समितिले सरकारलाई त्याे दस्तावेज कहाँ छ ? त्यसको विवरण उपलब्ध गराउन पत्राचार गरेपछि सरकारले त्यस पत्रको जवाफसमेत दिन सकेको छैन ।

मंगलबार समितिको बैठकमा उपस्थिति हुनु भएका परराष्ट्र मन्त्री प्रदीप ज्ञवालीले पनि ती सबै दस्ताबेज सरकार कहाँ आए/नआएको यकिन नभएको जवाफ दिनुभयो । उहाँले त्याे दस्तावेज पूर्व राजा ज्ञानेन्द्र शाहसँगै गयो कि भनि आशंका पनि गर्नुभयो ।

‘त्यतिबेला सबै राष्ट्रिय महत्वका दस्ताबेज दरबारमा केन्द्रित थिए,’ मन्त्री ज्ञवालीको भनाइ थियो, ‘ती सबै यता आए कि आएनन् यकिनका साथ भन्न सकिने अवस्था छैन, जे–जे दस्तावेज थिए भन्ने हामीलाई सूचना छ । तिनीहरुको खोजी गर्ने क्रममा के–के छुटे बुझ्न सकिन्छ । सबै हस्तान्तरण नभएको बुझेका छौँ, पूर्व ज्ञानेन्द्र राजा शाहसँगै गयो कि ?’ मन्त्री ज्ञवालीले समितिको बैठकमा आफैमाथि प्रश्न पनि गर्नुभयो, ‘ नारायणहिटी दरबारमा महत्वपूर्ण दस्ताबेज त्यहीँ बाँकी छ वा कुनै ढंगले नष्ट भयो ? त्यसको बारेमा यकिन ढंगले भन्न सकिने अवस्था छैन ।’

बैठकमा समितिका सभापति रामनारायण बिडारीले सुगौली सन्धि यताका नेपालको नक्सा, राष्ट्रिय महत्वको अभिलेख र नेपालले गरेका अन्तर्राष्ट्रिय सन्धि सम्झौताको विवरण उपलब्ध गराउन सरकारलाई पत्राचार गरिए पनि जवाफ नआएको बताउनु भएको थियो ।

समितिका सदस्य राधेश्याम अधिकारीले नारायणहिटी राजदरबारका महत्वपूर्ण दस्ताबेज कहाँ छन् भनी मन्त्री ज्ञवालीलाई प्रश्न गर्नु भएको थियो ।

मन्त्री ज्ञवालीले तत्कालीन नारायणहिटी दरबारको कतिपय दस्तावेज भने राष्ट्रिय अभिलेखालयमा आएको र त्यसलाई व्यवस्थित बनाएपछि समितिले पेश गर्ने प्रतिबद्धता पनि व्यक्त गर्नुभयो ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तत्कालीन नारायणहिटी राजदरबारमा रहेका महत्वपूर्ण दस्ताबेज कहाँ छन् ?

फाइल फाेटाे

तपाईको प्रतिक्रिया