सिंहदरबार घेराउ गर्ने भन्दै भद्रकालीमा प्रदर्शन गरिरहेकाहरु प्रहरीकाे नियन्त्रणमा

साउन २६, २०७६ आइतबार १५:८:५५ | उज्यालो सहकर्मी

काठमाण्डौ – सिंंहदरबार घेराउ गर्ने भन्दै काठमाण्डौको भद्रकालीमा प्रदर्शन गरिरहेका ‘आरक्षण बचाऔँ आन्दोलन’ का अगुवाहरुलाई प्रहरीले नियन्त्रणमा लिएको छ ।

लोक सेवा आयोगले संविधान विपरीत विज्ञापन खुलाएको दावी गर्दै आन्दोलन गर्दै आइरहेका अगुवाहरुलाई आइतबार काठमाण्डौको भद्रकालीमा प्रर्दशन गरिरहेकै बेला प्रहरीले नियन्त्रणमा लिएको हो । प्रर्दशनकारीहरुले सिंहदरबार घेर्न भन्दै निषेधित क्षेत्र तोडेपछि प्रहरीले उनीहरुलाई नियन्त्रणमा लिएको हो ।

त्यसअघि प्रहरीले निषेधित क्षेत्रमा प्रवेश नगर्न प्रर्दशनकारीहरुलाई पटक–पटक माइकबाट सचेत गराएको थियो तर प्रर्दशनकारीहरुले भने शान्तिपूर्णरुपमा प्रदर्शन गर्न पाउनु पर्ने दावी गरिरहेका थिए । भद्रकालीबाट प्रदर्शनकारीहरु सिंंहदरबारतर्फ अघि बढेपछि प्रहरीले हस्तक्षेप गरेर नियन्त्रणमा लिएको थियो । त्यसक्रममा प्रर्दशनकारीहरुले शान्तिपूर्ण आन्दोलनमाथि हस्तक्षेप गरेको भन्दै प्रहरीविरुद्ध पनि चर्काे नाराबाजी गरेका थिए ।

प्रहरीले नियन्त्रणमा लिएपछि प्रदर्शनकारीहरुले चर्काे नाराबाजी गर्दै संघीय मामिला तथा सामान्य प्रशासनमन्त्री लालबाबु पण्डितको राजीनामा समेत माग गरेका थिए । लोक सेवा आयोगले सरकारको सिफारिसमा खुलाएको स्थानीय तहको विज्ञापन समावेशी र समानुपातिक नभएको भन्दै आदिवासी, जनजाति, महिला, दलित र पछाडि परेका समुदायले विरोध प्रर्दशनको कामलाई निरन्तरता दिँदै आएका छन् ।

उनीहरुले लोक सेवा आयोगको विज्ञापन खारेज नभएसम्म आन्दोलन जारी राख्ने चेतावनी पनि दिँदै आएका छन् ।

अन्तिम अपडेट: माघ ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्