यस्तो छ नेकपाको बदलिएको संरचना

 भदौ २, २०७६ सोमबार १६:४४:७ | उज्यालो सहकर्मी

काठमाण्डौ – नेपाल कम्युनिष्ट पार्टी (नेकपा) को शुक्रबार र आइतबार बसेको सचिवालय बैठकले सचिवालय हेरफेरका साथै समीकरणमा समेत फेरबदल गरेको छ ।  

बैठकले झण्डै डेढ वर्षभन्दा बढी समयदेखि अल्झिरहेको पार्टी एकताको बाँकी कामलाई पूर्णता दिएको भए पनि विवादरहित भने बनाउन सकेन । पार्टी एकीकरणको काम टुंगो लगाउँदै गर्दा पछिल्ला बैठकले पार्टीको संरचना थप गर्नुका साथै नेताहरुको वरीयता नै हेरफेर गरेको छ ।  

शुक्रबारको बैठकले पार्टीको संरचनामा उपाध्यक्ष पद थप गर्यो भने आइतबारको बैठकले माधवकुमार नेपाल र झलनाथ खनालको वरिष्ठताको वरीयता हेरफेर गरिदिएको छ । 

पार्टी एकीकरण घोषणाका बेला नेपाल बाहिर रहेका खनाल तेस्रो वरीयतामा रहेकोमा आइतबारको बैठकले उहाँको वरीयता दोस्रो बनाएको हो । एकीकरण घोषणाका बेला नेपाल दोस्रो वरीयतामा थिए । 

अब भने माधव नेपालभन्दा अघि खनाल रहनु हुने भएकाे छ। सचिवालयको यो निर्णयमा माधव नेपालले ‘नोट आफ डिसेन्ट’ लेख्नु भएको छ । 

यस्तै शुक्रबारको बैठकमा पार्टी अध्यक्षद्वय केपी शर्मा ओली र पुष्पकमल दाहाल 'प्रचण्ड'ले पार्टी उपाध्यक्षमा वामदेव गौतमको नाम प्रस्ताव गर्नु भएको थियो । बैठकमा दुवै अध्यक्षले पार्टी उपाध्यक्षमा सिफारिस गरेको गौतमको नाममा कसैले विरोध नजनाएको र त्यसलाई अनुमोदनका लागि स्थायी कमिटी बैठकमा लैजाने सहमति भएको थियो । 

पार्टीको विधानमा उपाध्यक्ष पदको परिकल्पना नरहेकाले स्थायी कमिटी बैठकबाटै यसलाई अनुमोदन गराउनु पर्ने छ । 

यसअघि पार्टीमा दुई जना अध्यक्ष, एक जना महासचिव र अन्य सदस्य रहने गरेकोमा स्थायी कमिटीले अनुमोदन गरेपछि भने महासचिवभन्दा अघि एक जना उपाध्यक्ष पनि थपिने छन् । 

यस्तो छ नेकपाको बदलिएको संरचना

अन्तिम अपडेट: पुस २८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

भारतको तमिलनाडुमा साँढे जुधाइ प्रतियोगिताकाे क्रममा सात जनाको ज्यान गयो

२

यू–१९ महिला विश्वकप : अष्ट्रेलियाले स्कटल्याण्डलाई हरायो

३

भारतको कोलकातामा महिला चिकित्सकको बलात्कार र हत्याको घटनामा एक जना दोषी ठहर

४

शिक्षकहरुद्वारा योगदानमा आधारित पेन्सन योजनाको विरोध, आन्दोलन गर्ने चेतावनी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई