१६ सचिवको सरुवा : कार्यसम्पादन सम्झौतामा असर पर्ने

भदौ ४, २०७६ बुधबार ७:३८:३ | उज्यालो सहकर्मी

काठमाण्डौ - सरकारले १६ सचिवको सरुवा गरेको छ । सोमबार बसेको मन्त्रिपरिषद बैठकले १६ जना सचिवको सरुवा गरेको हो ।

प्रधानमन्त्री र मन्त्रीबीच भएको कार्यसम्पादन सम्झौता सचिवहरुसँग पनि भैरहेको बेला सरकारले एकैपटक ठूलो संख्यामा सचिवको सरुवा गरेको हो । यसबाट मन्त्रालयको काम छिटो र प्रभावकारी बनाउने उदेश्यका साथ भएको कार्यसम्पादन सम्झौता अलपत्र हुने भएको छ ।

को कहाँ सरुवा ?

सरकारले बाणिज्य तथा आपूर्ति मन्त्रालयका सचिव केदारबहादुर अधिकारीलाई संस्कृति पर्यटन तथा नागरिक उड्डयन मन्त्रालयमा सरुवा गरेको छ । संस्कृति पर्यटन तथा नागरिक उड्डयन मन्त्रालय सचिव मोहनकृष्ण सापकोटा सार्वजनिक खरिद अनुगमन कार्यालयमा सरुवा हुनुभएको छ ।

राष्ट्रिय प्राकृतिक स्रोत तथा वित्त आयोगका सचिव बैकुण्ठ अर्याल बाणिज्य तथा आपूर्ति मन्त्रालयमा सरुवा हुनुभएको छ । वित्त आयोगमा सार्वजनिक खरिद पुनरावलोकन आयोगका सचिव वेगेन्द्रराज शर्मा पौडेललाई सरुवा गरिएको छ ।

शिक्षा सचिव खगराज बराललाई स्वास्थ्य तथा जनसंख्या मन्त्रालयमा र श्रम, रोजगार तथा सामाजिक सुरक्षा मन्त्रालयका सचिव महेशप्रसाद दाहाललाई शिक्षा मन्त्रालयमा सरुवा गरिएको छ ।

स्वास्थ्य तथा जनसंख्या मन्त्रालयका सचिव रामप्रसाद थपलिया युवा तथा खेलकुद मन्त्रालयमा सरुवा हुनुभएको छ ।

लोकसेवा आयोगका सचिव महेन्द्र गुरागाइँ सार्वजनिक खरिद अनुगमन कार्यालय र प्रधानमन्त्री तथा मन्त्रिपरिषद् कार्यालयका सचिव डा. हरि पौडेल राष्ट्रपति कार्यालयमा सरुवा हुनुभएको छ ।

राष्ट्रपति कार्यालयका सचिव विनोद केसी श्रम तथा रोजगार मन्त्रालयमा र सिँचाई मन्त्रालयका सचिव डा. सञ्जय शर्मा विज्ञान तथा प्रविधि मन्त्रालयमा सरुवा हुनुभएको छ ।

राष्ट्रिय सर्तकता केन्द्रका माधव बेल्वासेलाई खानेपानी मन्त्रालयमा, भूमिसुधार मन्त्रालयका सचिव गोपीनाथ मैनालीलाई महालेखा नियन्त्रक कार्यालयमा र महालेखा नियन्त्रक सूर्यप्रसाद गौतमलाई भूमिसुधार मन्त्रालयमा सरुवा गरिएको छ ।

प्रदेश ३ का प्रमुख सचिव आनन्दराज ढकाल लोकसेवा आयोगमा र प्रदेश ५ का प्रमुख सचिव डा. तीर्थराज ढकाल प्रधानमन्त्री तथा मन्त्रिपरिषद्को कार्यालयमा सरुवा हुनुभएको छ ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्