रसुवामा १० घर पहिरोकाे उच्च जोखिममा

भदौ ८, २०७६ आइतबार १६:२३:५३ | उज्यालो सहकर्मी

रसुवा – कालिका गाउँपालिका वडा नम्बर-४, धुसेनीका १० घर पहिरोको उच्च जोखिममा परेका छन् । शुक्रबार राति परेको अविरल वर्षाका कारण गाउँमाथिबाट पहिरो आएपछि १० घर पहिरोको जोखिममा परेका हुन् ।

जिल्ला विपद् व्यवस्थापन समिति रसुवाका अनुसार गीतावल्लभ देवकोटा, कुलप्रसाद देवकोटा, लक्ष्मीनारायण देवकोटा, दयानिधि देवकोटा, निर्मला तामाङ, रामचन्द्र देवकोटा, दीपक देवकोटा, घननाथ देवकोटा र तोयानाथ देवकोटाको घर उच्च जोखिममा परेका हुन् ।

पहिरो रोकथामको लागि कालिका गाउँपालिका र जापानी सहयोग संस्था (जाइका) ले त्रिपाल र प्लास्टिक उपलब्ध गराएको छ । स्थायीरूपमा पहिरो नियन्त्रण गर्नका लागि वर्षाको समयमा सम्भव नभएको कारण अस्थायीरूपमा रोकथाम गर्न लागिएको गाउँपालिकाका उपाध्यक्ष भवानीप्रसाद न्यौपानले बताउनु भयो ।

त्यसैगरी कालिका गाउँपालिका वडा नम्बर-३ का तीन घर पनि पहिरोको उच्च जोखिममा रहेको वडाध्यक्ष पुष्पराज न्यौपानले बताउनु भयो । वडा नम्बर-३ मा केशवप्रसाद न्यौपाने, सोमप्रसाद न्यौपाने र रामचन्द्र न्यौपानेको घर जोखिममा परेका हुन् ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्