सुर्खेत बस दुर्घटना अपडेट : मृतकमध्ये दुई जनाको सनाखत, घाइते चार जना लखनउ रेफर

भदौ ११, २०७६ बुधबार १९:१३:३६ | उज्यालो सहकर्मी

सुर्खेत – बुधबार बिहान सुर्खेतमा भएको बस दुर्घटनामा परि ज्यान गुमाएका ३ जनामध्ये २ जनाको सनाखत भएको छ ।

एक जनाको भने परिचय नखुलेको सुर्खेत प्रहरीले जनाएको छ । जाजरकोटबाट नेपालगञ्ज जाँदै गरेको ना४ख ९३१७ नम्बरको बस रत्न राजमार्गअन्तर्गत सुर्खेतको भेरीगंगा नगरपालिका वडा नम्बर ५ एमाले मोडमा बुधबार बिहान ३ बजेर ५० मिनेटमा दुर्घटना भएको थियो ।

जाजरकोटको बारेकोट गाउँपालिका वडा नम्बर ७ की २५ वर्षीय लक्ष्मी बस्नेत र नलगाड नगरपालिका वडा नम्बर ७ की हजारी बादीको मात्र परिचय खुलेको छ । चालक र सहचालक सामान्य घाइते भएको र उनीहरु प्रहरीको नियन्त्रणमा रहेका छन् ।

सामान्य घाइते भएकाले सल्यान कुपिण्डे दह नगरपालिका ११ का चालक खिमबहादुर बिकलाई स्थानीय मेडिकलमा उपचारपछि प्रहरीमा नियन्त्रणमा लिइएको डीएसपी रवि रावलले जानकारी दिनुभयो । घाइतेमध्ये चार जनाको अवस्था गम्भीर रहेको उनीहरुलाई भारतको लखनउ रेफर गरिएको प्रहरीले जनाएको छ ।

बसमा ३२ जना यात्रु रहेको प्रहरीले जानकारी दिएको छ ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्