स्पेन युरोकपमा स्थान बनाउन सफल, लिचेस्टाइनको पोस्टमा इटलीको ५ गोल

असोज २९, २०७६ बुधबार ६:४२:७ | उज्यालो सहकर्मी

पूर्व च्याम्पियन स्पेन सन् २०२० को युरोकपमा छनोट भएको छ । मंगलबार राति भएको खेलमा स्विडेनसँग एक–एक गोलको बराबरी खेलेपछि स्पेन युरोकपमा स्थान बनाउन सफल भयो ।

समूह एफबाट युरोकपमा पुग्न स्पेनलाई एक अंकको खाँचो थियो । जसमा उसले अन्तिम समयमा गोल गर्दै स्विडेनलाई बराबरी गर्न सफल भयो । खेलको पहिलो हाफ गोलरहित बराबरी भएको थियो । तर ५० औं मिनेटमा स्विडेनले खेलमा अग्रता बनायो । उसका लागि मार्कुस बेर्गले गोल गर्न सफल भए ।

त्यसपछि स्विडेनका रोबिन क्विसोनको प्रहारलाई स्पेनका गोलकिपर डेविड डी जियाले बचाए । तर खेलको इन्जरी समयको दोस्रो मिनेटमा स्पेनले खेल बराबरी गर्न सफल भयो । उसका लागि रोद्रिगोले गोल गरे । यो बराबरीले स्पेन २० अंकका साथ युरोकपमा स्थान बनाउन सफल भयो । यता स्विडेनको १५ अंक छ र उ तालिकाको दोस्रो स्थानमा छ ।

अर्को खेलमा यसअघि नै युरोकपमा स्थान बनाइसकेको इट्लीले लिचेस्टाइनको पोस्टमा पाँच गोल गर्न सफल भयो । उसको जितमा बेलोटीले २ गोल गरे । खेलको दोस्रो मिनेटमा बेर्नारदेस्चीको गोलबाट अग्रता बनाएको इटलीले पहिलो हाफमा एक गोलको अग्रता बनाएको थियो ।

तर दोस्रो हाफमा उसले चार गोल थप्यो । ७० औं मिनेटमा बेलोटीले गोल गरे भने ७७ औं मिनेटमा रोमाग्नोलीले गोल गरे । यस्तै ८२ औं मिनेटमा एल सारावेले टिमका लागि चौथो गोल गर्दा खेलको इन्जुरी समयमा बेलोटीले ब्यक्तिगत दोस्रो तथा टिमका लागि पाँचौ गोल गरे ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्