सन्दीप लामिछाने ‘द हन्ड्रेड’ क्रिकेटको ड्राफ्टमा, छनोट भए एक करोड ४५ लाख पाउने

असोज ३०, २०७६ बिहीबार ७:६:४८ | उज्यालो सहकर्मी

काठमाण्डौ – नेपाली राष्ट्रिय क्रिकेट टिमका लेग स्पिनर सन्दीप लामिछानेले ‘द हन्ड्रेड’ क्रिकेट प्रतियोगिताको ड्राफ्टमा परेका छन् ।

बुधबार राति जारी भएको ‘द हन्ड्रेड’ को आरक्षित खेलाडीको सूचीमा सन्दीप परेका हुन्। सन्दीपको रिजर्भ प्राइस अर्थात आरक्षित मूल्य १ लाख पाउण्ड अर्थात् १ करोड ४६ लाख नेपाली रुपैयाँ रहेको छ ।

एक सय बलको हुने द हन्ड्रेड प्रतियोगिता सन् २०२० को १७ जुलाइदेखि १६ अगस्टसम्म इंग्ल्याण्ड र वेल्समा आयोजना हुनेछ । प्रतियोगितामा ८ टिमको सहभागिता रहने छ ।

द हन्ड्रडेको खेलाडीको अनुबन्धन कार्यक्रम आउँदो आइतबार हुनेछ । अनुबन्धन कार्यक्रमको बीबीसी अनलाइन तथा स्काई स्पोर्ट्स क्रिकेटले प्रत्यक्ष प्रसारण गर्नेछ ।

प्रतियोगितामा सहभागी हुने ८ टिमले १२ जना खेलाडी अनुबन्ध गर्न पाउनेछन् । प्रत्येक टिममा ३ जना खेलाडी पहिले नै ‘इनिसियल प्लेयर’ का रुपमा रहेका छन् ।

प्रतियोगितामा एक लाख २५ हजार पाउण्ड, एक लाख पाउण्ड, ७५ हजार पाउण्ड, ६० हजार पाउण्ड, ५० हजार पाउण्ड र ४० हजार पाउण्ढ आरक्षित मूल्य तोकिएको छ ।

कस्तो हो ‘द हन्ड्रेड प्रतियोगिता’

इंग्ल्याण्ड र वेल्सको क्रिकेट बोर्डले यस प्रतियोगिताको फर्म्याट सार्वजनिक गरिसकेको छ ।
– एउटा इनिङ्स १०० बलको हुनेछ ।
– १० बलपछि एन्डमा परिवर्तन हुनेछ ।
– बलरले लगातार ५ बल वा १० बल बलिङ गर्न पाउनेछन् ।
– एक जना बलरले एउटा खेलमा बढीमा २० बल बलिङ गर्न पाउनेछन् ।
– प्रत्येक बलिङ साइडले साढे २ मिनेटसम्म रणनीतिक समय पाउनेछन् ।
– २५ बलमा पावरप्ले सुरु हुनेछ ।
– पावरप्लेका क्रममा ३० यार्डको सर्कलभन्दा बाहिर २ जना फिल्डर मात्रै राख्न पाइनेछ ।

- यसअघिकाे समाचारमा भूलवश 'सन्दीप लामिछानेले ‘द हन्ड्रेड’ क्रिकेट खेल्ने, १ लाख पाउण्डमा बर्मिङ्घममा अनुबन्धित' हुन गएकाेमा माफी माग्दै सच्याएका छाैँ । -सम्पादक

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्