म्यानचेस्टर युनाइटेड एस्टाना क्लबसँग पराजित

मंसिर १३, २०७६ शुक्रबार ६:४०:२० | उज्यालो सहकर्मी

यूईएफए युरोपा लिग अन्तर्गत समूह चरणको खेलमा म्यानचेस्टर युनाइटेड एस्टाना क्लबसँग दुई एकले स्तब्ध भएको छ ।

एस्टानाको घरेलु मैदानमा भएको खेलमा युनाइेटड दुई एकले पराजित भयो । त्यसो त युनाइटेडले एक गोलको अग्रतालाई जोगाउन सकेन । खेलको १० औँ मिनेटमा जेसी लिंगार्डको गोलमा युनाइटेडले अग्रता बनाएको थियो । उनले क्लबका लागि करिब १० महिनापछि गोल गरेका हुन् ।

पहिलो हाफमा एक गोलको अग्रता बनाएको युनाइटेडले दोस्रो हाफका सुरुवातमा नै दुई गोल खान पूग्यो । त्यसमा उसले एक गोल आत्मघाती गर्‍यो । ५५ औं मिनेटमा सोम्कोले गोल गर्दै युनाइेटडको अग्रतालाई बराबरीमा पुर्‍याए ।

तर ६२ औँ मिनेटमा युनाइेटडका बेर्नार्टले बल क्लियर गर्न खोज्दा आफ्नै पोष्टमा गोल गर्न पुगे । उनले दोस्रो हाफको सुरुवातमा नै यस्तै गोलको नजिक पुगेका थिए । तर त्यो बेला उनी बचेका थिए ।

यो हारले पनि युनाइेटडलाई फरक भने पर्ने छैन । उसले यसअघि नै नकआउट चरणमा स्थान बनाइसकेको छ ।

त्यसैले पनि युनाइेटडले बिहीबारको खेलमा मुख्य खेलाडीलाई बेन्चमा राखेर युवा खेलाडीलाई मैदानमा उतारेको थियो । उसले सात जना युवा खेलाडीलाई खेलाएको थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्