रुकुम पूर्वमा जीप दुर्घटना: एक जनाको ज्यान गयो, नौ जना घाइते

मंसिर १३, २०७६ शुक्रबार २०:४२:५९ | राजु लामिछाने

रुकुम पूर्व - रुकुम पूर्वमा जीप दुर्घटना हुँदा एक बालकको ज्यान गएको छ ।

मध्यपहाडी लोकमार्ग अन्तर्गत रुकुम पूर्वको भूमे गाउँपालिकामा रा १ ज ४४४ नम्बरको जिप दुर्घटना हुँदा भूमे गाउँपालिका–२, का ३ वर्षीय निसिम पुनको घटनास्थलमै ज्यान गएको प्रहरीले जनाएको छ ।

रुकुम पश्चिमको खलंगाबाट गएको जीप भूमे गाउँपालिका-३ को जितखोलामा दिउँसो १ बजे दुर्घटना भएको थियो । दुर्घटनामा ३ जना पुरुष र ६ जना महिला घाइते भएका छन् । घाइते हुनेमा सिस्ने गाउँपालिकाकी सुनिता बुढा, पुथाउत्तरगंगा गाउँपालिकाकी शान्ति सुनाम, नन्दा पुन, लक्ष्मी पुन, पूर्णसिंं पुन, लोकेन्द्र पुन, विरोध पुन रहेका छन् ।

यस्तै भूमे गाउँपालिकाका मनबहादुर पुन र कुमारी पुन पनि घाइते भएको प्रहरीले जनाएको छ । घाइते सबैको जिल्ला अस्पताल रुकुमकोटमा उपचार भइरहेको जिल्ला प्रहरी प्रमुख प्रहरी नायव उपरीक्षक योगेन्द्र खड्काले बताउनु भयो ।

दुर्घटनाको कारण खुल्न नसकेको र जीप चालक मुलमान विकलाई नियन्त्रणमा लिइएको प्रहरीले जनाएको छ ।

अन्तिम अपडेट: कात्तिक २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्