पीपीएल : पारसकाे कप्तानीमा रहेकाे चितवनकाे लक्ष्य फाइनल प्रवेश

पुष ८, २०७६ मंगलबार ७:३३:२७ | उज्यालो सहकर्मी

कास्की – पोखरा प्रिमियर लिग (पीपीएल) मा मंगलबार चितवन राइनोज र काठमाण्डौ गोल्डेन्सबीच प्रतिस्पर्धा हुँदैछ ।

पोखरा क्रिकेट मैदानमा हुने खेल बिहान साढे ११ बजेबाट सुरु हुनेछ । जारी प्रतियोगितामा अपराजित रहेको पारस खड्काको टिम चितवनले काठमाण्डौविरुद्ध जित निकालेमा सोझै फाइनलमा पुग्नेछ ।

चितवन राइनोजले अहिलेसम्म खेलेका चार खेलमा चारैमा जित निकालेको छ ।

यता काठमाण्डौले सुरुवाती दुई खेल हारे पनि त्यसपछि लगातार दुई खेलमा जित्दै प्लेअफको सम्भावना कायमै राखेको छ ।

काठमाण्डौलाई प्लेअफमा पुग्न यो खेल जित्नैपर्ने हुन्छ । यदि पराजित भएमा काठमाण्डौले अन्य खेलको नतिजा कुर्नुपर्ने हुन्छ ।

यसपटक सबैभन्दा बलियो टिमका रुपमा देखिएको चितवनको ब्याटिङ मुख्य हतियारका रुपमा रहँदै आएको छ । अघिल्लो संस्करणमा यी दुई टिम दुई पटक खेल्दा दुवै पटक चितवन राइनोज विजयी भएको थियो ।

काठमाण्डौलाई यसपटक अघिल्लो संस्करणको हारको बदला लिनुका साथै खेल जितेर प्लेअफमा स्थान बनाउने सुनौलो मौका रहेको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्