हेटाैँडा उपमहानगरपालिकाका मेयर नागरिकका गुनासाे सुन्न गाउँगाउँमा, स्थानीय आफ्नाे समस्या राख्दै

पुष १३, २०७६ आइतबार १०:५६:२४ | हरि हुमागाईं

हेटौँडा – हेटौँडा उपमहानगरपालिकाभित्रका विभिन्न क्षेत्रमा रहेका नागरिकहरुका धेरै किसिमका समस्या छन् ।

विकट क्षेत्रमा रहेका नागरिकका समस्या बुझ्न हेटौँडा उपमहानगरपालिकाका मेयर हरिबहादुर महत शनिबार हेटौँडा उपमहानगरपालिका १६ को आकाशधारा पानीसारा क्षेत्रमा पुग्नु भएको थियो । वडाध्यक्ष रामकृष्ण कोइरालासँगै पुग्नुभएका मेयर महतसमक्ष त्यस क्षेत्रका बासिन्दाहरुले आफ्ना समस्या पोखे ।

मकवानपुरको विकट गाउँपालिकाको रुपमा लिइन्छ, आकाशधारा पानीसारा क्षेत्रलाई । यस क्षेत्रमा उपमहानगरपालिकाका मेयर महत र वडाध्यक्ष कोइरालाको पहलमा बल्ल सडक पुगेको छ ।

बिजुली र पानीको व्यवस्था अझै पनि हुन सकेको छैन । स्थानीय बासिन्दाहरुले सडक, पानी र बिजुली जस्ता आधारभूत आवश्यक्ता पूरा गर्नका लागि मेयरसँग आग्रह गरेका छन् ।

हेटौँडा बजारबाट ३० किलोमिटर दुरी पार गरेपछि आकाशधारा पानीसारा पुगिन्छ । बाराको निजगढ नगरपालिका १३ सँग सिमाना जोडिएको यस क्षेत्रका नागरिकका समस्या समाधान गर्न आफू तयार रहेको मेयर महतले बताउनुभयो ।

उपमहानगरपालिका भए पनि सामान्य आधारभूत सेवा सुविधासमेत नभएको यस क्षेत्रमा कुनै पनि खालका मोबाइल सम्पर्क हुँदैन । हिउँदमा मात्र चल्ने सडक तयार भएको छ ।

यहाँका बासिन्दाले बिजुली बत्ती बाल्न पाएका छैनन् । विद्यालयमा शिक्षकको दरबन्दी खाली छ । तर उपमहानगरपालिका भएपछि यस क्षेत्रका बासिन्दाका समस्या बुझ्न र समाधान गर्न मेयर महत र वडाध्यक्ष पटक-पटक पुग्नु भएको छ ।

यसै वर्ष १० लाख रुपैयाँको लागतमा १० किलोमिटर सडक निर्माण भएको बताउँदै वडाध्यक्ष रामकृष्ण कोइराला भन्नुहुन्छ, ‘१० लाख रुपैयाँ बजेट प्राप्त भएपछि सडक त बनाइयो । तर सडक वर्षायाममा पनि चल्ने बनाउन बजेट अभाव भएको छ ।’

आफ्नो गाउँमै आएर मेयरले समस्या बुझ्ने गरेकोमा आकाशधारा पानीसाराका लालबहादुर गोलेले खुशी व्यक्त गर्नुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्