आर्मीकाे जित, उपाधि जित्ने सम्भावना कायमै

माघ २८, २०७६ मंगलबार ११:११:८ | उज्यालो सहकर्मी

काठमाण्डाै – शहीद स्मारक ए डिभिजन लिगमा त्रिभुवन आर्मी क्लब उपाधि नजिक पुगेको छ ।

ब्रिगेड ब्वाइज क्लबलाई तीन–शून्यले हराउँदै आर्मीले उपाधिको सम्भावना बलियो बनाएको हो । सातदोबाटोमा भएको खेलमा आर्मीलाई जित दिलाउनका लागि भरत खवास, विकास तामाङ र टेकबहादुर बुढाथोकीले एक–एक गोल गरे ।

लिगको अन्तिम खेलमा आर्मीले मच्छिन्द्र क्लबको सामना गर्नेछ । मच्छिन्द्रविरुद्धकाे खेलमा बराबरीमा रोकेमात्र पनि आर्मी पहिलो पटक ए डिभिजन लिगमा च्याम्पियन बन्नेछ । मच्छिन्द्रलाई भने तीन अङ्क अनिवार्य छ ।

लिग तालिकामा आर्मीले २९ अङ्क बनाएको छ भने मच्छिन्द्रकाे २८ अङ्क छ ।

मच्छिन्द्रविरुद्धकाे खेलको पाँचौँ मिनेटमा भरत खवासले गोल गर्दै आर्मीलाई अग्रता दिलाएका थिए । याे गाेलसँगै उनले ए डिभिजन लिगमा ५०औँ गाेल पूरा गरेका छन् ।

पहिलो हाफमा एक गोलको अग्रता लिएको आर्मीका लागि ५३औँ मिनेटमा विकास तामाङले गोल गरे । ७०औँ मिनेटमा टेकबहादुर बुढाथोकीले गोल गर्दै आर्मीलाई महत्वपूर्ण जित दिलाए ।

ब्रिगेड ब्वाइज क्लब भने आठ अङ्कसहित पुछारबाट दोस्रो स्थानमा छ । मङ्गलबार नै थ्री स्टार क्लब र एनआरटी तथा नेपाल पुलिस क्लब र मनाङ मर्स्याङ्दी क्लब पनि प्रतिस्पर्धा गर्दैछन् ।

थ्री स्टार र एनआरटीबीचको खेल सवा १२ बजे हुनेछ भने अर्को खेल साढे तीन बजे हुनेछ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्