विभिन्न ठाउँका दुर्घटनामा पाँच जनाकाे ज्यान गयाे

फागुन २, २०७६ शुक्रबार ९:४७:३५ | उज्यालो सहकर्मी

काठमाण्डाै – बिहीबार राति र शुक्रबार बिहान धादिङ, काभ्रे, दोलखा, कैलाली, कञ्चनपुर र बाँकेमा भएका सवारी दुर्घटनामा पाँच जनाको ज्यान गएको छ ।

धादिङको बेनीघाट रोराङ गाउँपालिका ५ चरौँदी पुलनजिकै शुक्रबार बिहान स्कुटरलाई पहिचान नखुलेको गाडीले ठक्कर दिँदा एक जनाकाे ज्यान गएकाे छ । गाडीले ठक्कर दिँदा स्कुटर चालक सोलुखुम्बुको मुक्ली गाउँपालिका १ घर भइ काठमाडौ बस्ने प्रकाश बस्नेतको ज्यान गएको प्रहरीले जनाएको छ ।

यस्तै काभ्रेको पनौतीमा पर्खालमा मोटरसाइकल ठोक्किँदा धुलिखेल नगरपालिका १२ पस्कोटका सञ्जिव तामाङको ज्यान गएको छ ।

कैलालीको लम्कीचुहा नगरपालिका ५ काे चौरीमा जीपमा चढेर खेल्ने क्रममा ढालाले लागेर जनक चन्दका डेढ वर्षीय छोराको ज्यान गएको छ ।

यस्तै कञ्चनपुरको पुनर्वास नगरपालिका १० काे चकमेलीमा बिहीबार राति तीन जना चढेको मोटरसाइकल पल्टिँदा चालक धनगढी उपमहानगरपालिका ११ का शिवराज रानाको ज्यान गएको छ ।

रानाकाे उपचारको क्रममा प्रादेशिक अस्पताल धनगढीमा राति पौने १२ बजे ज्यान गएकाे हो । दुर्घटनामा घाइते भएका मोटरसाइकलमा पछाडि सवार २० वर्षीय लालबहादुर राना र २३ वर्षीय धनीराम रानाको अवस्था भने सामान्य रहेको छ ।

बाँकेको राप्ती सोनारी गाँउपालिका १ काे सिक्टा मोडमा पनि बिहीबार राति तीन जना सवार भे४प ६७४६ नम्बको मोटरसाइकल अनिन्यत्रित भएर पल्टिँदा एक जनाको ज्यान गएकाे छ भने अन्य दुई जना घाइते भएका छन् ।

ज्यान गुमाउनेमा मोटरसाइकलमा पछाडि सवार पुरुष रहेका छन् । गम्भीर घाइते भएका उनको उपचारको क्रममा नेपालगञ्ज मेडिकल कलेज कोहलपुरमा राती पौने ११ बजे ज्यान गएकाे हाे, उनकाे पहिचान भएकाे छैन ।

घाइते भएका मोटरसाइकल चालक बाँकेकै सोनारी गाँउपालिका ५ का ३० वर्षीय दिलबहादुर विक, पछाडि सवार अर्का सोनारी गाँउपालिका २ का विजयकुमार चौधरीको भने त्यही अस्पतालमै उपचार भइरहेको इलाका प्रहरी कार्यालय कुसुमाले जनाएको छ ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

विभिन्न ठाउँका दुर्घटनामा पाँच जनाकाे ज्यान गयाे

प्रतिकात्मक तस्बिर

तपाईको प्रतिक्रिया