चीनमा काेरोना भाइरसका बिरामीकाे संख्या घट्दै : अरु देशमा बढ्दै

फागुन १०, २०७६ शनिबार १२:२:५५ | उज्यालो सहकर्मी

चीनमा कोभिड-१९ अर्थात कोरोना भाइरसका बिरामीकाे संख्या कम हुँदै गएकाे छ । तर दक्षिण कोरिया, इटाली र इरानसहित विश्वका अरु देशका भने कोरोना भाइरसका बिरामीको संख्या बढ्दै गएका पाइएको छ ।

अहिलेसम्म चीनबाहिर ८ जनाको ज्यान गएको र विश्वका २६ देशमा १२ सय भन्दा धेरै मानिसमा कोरोना भएको पुष्टि भएको विश्व स्वास्थ्य संगठन डब्लूएचओले जनाएको छ । आजमात्रै दक्षिण कोेरियामा १ सय ४२ जना कोरोना संक्रमित नयाँ बिरामी भेटिएका छन् ।

योसँगै दक्षिण कोरियामा संक्रमितको संख्या ३ सय ४६ पुगेको बीबीसीले जनाएको छ । कोरियाको दोस्रो ठूलो शहर बुसानमा पहिलोपटक दुई जना र जिजुमा थप एक जनामा कोरोना संक्रमण भएको पुष्टि भएको छ ।

संक्रमितको संख्या ३ सय भन्दा धेरै भएपछि दक्षिण कोरियामा सार्वजनिक स्वास्थ्य आपत्कालिन घोषणा गरिएको छ । राजधानी सेउलमा प्रदर्शनमा रोक लगाइएको छ । हिजो इटालीमा ७८ वर्षका वृद्धको ज्यान गएको र अरु १६ जनामा कोरोना संक्रमण भएको डब्लूएचओले जनाएको छ । चीनमा मात्रै अहिलेसम्म २ हजार ३ सय ४५ जनाको ज्यान गएको छ भने ७६ हजार २ सय ८८ जनालाई कोरोना भएको पाइएको छ ।

यसैबीच विश्व स्वास्थ्य संगठनको नेतृत्वको संयुक्त टोली आज कोरोना भाइरसको उद्गम स्थल चीनको वुहान जाने भएको छ । अहिले चीनको बेइजिङ, सिचुवान र ग्वाङडोङमा काम गरिरहेको टोली आज वुहान जान लागेको हो । टोलीमा अमेरिका, सिंगापुर, दक्षिण कोरिया, जापान, नाइजेरिया, जर्मनी र रुसका विज्ञ रहेका समाचार संस्था सीएनएनले जनाएको छ ।

अन्तिम अपडेट: कात्तिक २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चीनमा काेरोना भाइरसका बिरामीकाे संख्या घट्दै : अरु देशमा बढ्दै

प्रतिकात्मक तस्बिर

तपाईको प्रतिक्रिया