आईसीसी महिला टी-२० विश्वकप : न्युजिल्याण्डकाे दोस्रो जित

फागुन १७, २०७६ शनिबार १०:४७:३८ | उज्यालो सहकर्मी

आईसीसी महिला टी २० विश्वकप क्रिकेटमा न्युजिल्याण्डले दोस्रो जित दर्ता गरेको छ ।

समूह एमा रहेको न्युजिल्याण्डले बंगलादेशमाथि १७ रनको जित दर्ता गरेको हो । जम्मा ९२ रनको लक्ष्य पछ्याएको बंगलादेश १९।५ ओभरमा सवै विकेट गुमाउँदै ७४ रनमा अल आउट पुग्यो ।

बंगलादेशका लागि निगर सुल्तानले सर्वाधिक २१ रन बनाउँदा मुर्सिदा खातुनले ११ तथा रितु मोनीले १० रन बनाइन् । अरु कुनै पनि खेलाडीले दोहोरो अंकमा रन बनाएनन् ।

न्युजिल्याण्डका लागि हेलि जेनसन र लेघ कासप्रेकले समान तीन तीन विकेट लिए । पहिला ब्याटिङ गरेको न्युजिल्याण्डले सुरुआत राम्रो गरे पनि मिडिल अर्डर भने पुरै फ्लप भयो । पहिलो विकेट ३६ रनमा गुमाएको न्युजिल्याण्ड १८।४ ओभरमा ९१ रनमा समेटिन पुग्यो ।

रिचेल पेरिस्टले २५ रन बनाउँदा सुजि बेट्सले १५ तथा सोफि डिभाइनले १२ र म्याडी ग्रिनले ११ रन बनाइन् । अरुले दोहोरो अंकमा रन बनएनन् । बंगलादेशका लागि रितु मोनीले चार तथा सलमा खातुनले ३ विकेट हात पारिन् । दोस्रो जितसँगै न्युजिल्याण्डले सेमिफाइनल प्रवेशको सम्भावना जिवितै राखेको छ ।

समूह ए बाट भारत लगातार तीन खेल जित्दै सेमिफाइनलमा पुगिसकेको छ भने दोस्रो स्थानको अस्ट्रेलिया र तेस्रो स्थानमा रहेको न्युजिल्याण्डको समान चार चार अंक छ । श्रीलंका र बंगलादेश भने प्रतियोगिताबाट बाहिरिसकेका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्