काठमाण्डौसहित केही ठाउँमा बदली र वर्षा, उडान प्रभावित

फागुन २९, २०८१ बिहीबार १७:१८:१२ | रासस

काठमाण्डाै – काठमाण्डौको त्रिभुवन अन्तर्राष्ट्रिय विमानस्थलमा आज एउटा अन्तर्राष्ट्रिय उडानको विमान अवतरण गर्ने क्रममा हावाको गति नमिलेपछि ओभरसुट गर्‍याे । यस्तै दुई वटा विमान आकाशमा निकैबेर 'होल्ड' भएपछि अवतरण भए ।

यसअघि हिजो पनि चार वटा अन्तर्राष्ट्रिय उडानका जहाज आकाशमा होल्ड गर्नुपरेको थियो । हिजो आन्तरिकतर्फका तीन वटा विमान पनि खराब मौसमकै कारण आकाशमा होल्ड गर्नुपरेको थियो ।

प्रतिकूल मौसमका कारण आवश्यक 'भिजिबिलिटी' नहुँदा एक हप्तादेखि आन्तरिक र अन्तर्राष्ट्रिय हवाई उडान प्रभावित भइरहेका त्रिभुवन अन्तर्राष्ट्रिय विमानस्थलले जनाएको छ । विमानस्थलका प्रवक्ता रिञ्जी शेर्पाका अनुसार मौसममा आएको खराबीका कारण अन्तर्राष्ट्रिय हवाई उडान बढी प्रभावित भइरहेको छ ।

नेपालमा अहिले प्रि–मनसुनी गतिविधि सक्रिय भइरहेको र वर्षा गराउने मौसमी प्रणालीको विकास भइरहेकाले मौसम प्रतिकूल हुने गरेको छ । न्यून भिजिबिलिटी तथा हावाको गति नमिलेका कारण अन्तर्राष्ट्रिय उडानका जहाज होल्ड र 'मिस–एप्रोच' हुने गरेको प्रवक्ता शेर्पाले जानकारी दिनुभयो ।

हिजो बेलुका काठमाण्डौ उपत्यकासहित देशका विभिन्न ठाउँमा मध्यम वर्षा भयाे । आज बेलुका पनि काठमाण्डौसहित बागमती र कोशी प्रदेशका विभिन्न ठाउँमा वर्षाको सम्भावना रहेको मौसम पूर्वानुमान महाशाखाले जनाएको छ ।

अहिले पनि सोलुखुम्बु, दोलखा, सिन्धुपाल्चोक, काठमाण्डौ, नुवाकोट, गोरखा, लमजुङलगायतका जिल्लामा बदली भएर पानी परिरहेको छ । लमजुङको रैनासटारमा एक घण्टामै २४ मिलिमिटरभन्दा धेरै पानी परेको मौसम पूर्वानुमान महाशाखाले जनाएको छ । अझै तीन/चार दिन मौसम बदली रहने मौसमविदकाे अनुमान छ ।

अन्तिम अपडेट: फागुन २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

काठमाण्डौसहित केही ठाउँमा बदली र वर्षा, उडान प्रभावित

फाइल तस्वीर

तपाईको प्रतिक्रिया