भारतमा एकैदिन ५ हजार ६ सयभन्दा धेरै काेराेनाका बिरामी थपिए

जेठ ७, २०७७ बुधबार १३:४७:२९ | एजेन्सी

काठमाण्डाै – भारतकाे केन्द्रीय स्वास्थ्य मन्त्रालयका अनुसार भारतमा काेराेना भाइरस सङ्क्रमितकाे सङ्ख्यामा अहिलेसम्मकै सबैभन्दा धेरै वृद्धि भएकाे छ । मन्त्रालयका अनुसार पछिल्लाे २४ घण्टामा पाँच हजार ६ सय ११ नयाँ सङ्क्रमित थपिएका हुन् ।

याेसँगै भारतमा काेराेना भाइरसबाट सङ्क्रमित हुनेकाे सङ्ख्या बढेर एक लाख ६ हजार सात सय ५० पुगेकाे छ ।

गएकाे २४ घण्टामा एक सय ४० जनाकाे ज्यान गएसँगै काेराेना सङ्क्रमणकाे कारण ज्यान गुमाउनेकाे सङ्ख्या तीन हजार तीन सय तीन पुगेकाे छ ।

केन्द्रीय मन्त्रालयका अनुसार भारतमा अहिले काेभिड–१९ का ६१ हजार एक सय ४९ जना सक्रिय बिरामी छन् । झण्डै ४२ हजार उपचारपछि निकाे भएका छन् र उनीहरु घर फर्किएका छन् ।

भारतकाे महाराष्ट्र राज्य अझै पनि काेराेना सङ्क्रमितकाे हिसाबले पहिलाे नम्बरमा छ । महाराष्ट्रमा मात्रै ३५ हजारभन्दा धेरैमा सङ्क्रमण पुष्टि भएकाे छ ।

महाराष्ट्रपछि तमिलनाडुमा १२ हजार चार सय ४८ गुजरातमा १२ हजार एक सय ४० र दिल्लीमा १० हजार पाँच सय ५४ जनामा काेराेना सङ्क्रमण पुष्टि भएकाे छ ।

पीआईबीका अनुसार भारतीय आयुर्विज्ञान अनुसन्धान परिषद्ले पछिल्लाे २४ घण्टामा काेराेना भाइरसकाे एक लाख आठ हजार एक सय २१ नमुनाकाे जाँच गरिएकाे थियाे । अहिलेसम्म भारतमा २५ लाख १२ हजार तीन सय ८८ जनाकाे जाँच भइसकेकाे बताइएकाे छ ।

काेराेना भाइरसकाे प्रकाेप सीमित गर्नकाे लागि गृह मन्त्रालयले लकडाउनलाई मे ३१ सम्मकाे लागि बढाएकाे छ तर केही आर्थिक गतिविधिलाई अनुमति दिइएकाे छ, जसकाे कारण ठूला शहरमा साेमबारदेखि भिडभाड देखिन थालेकाे छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्