सडक सुरक्षाको लागि नयाँ प्रणाली अपनाइँदै, अब ट्राफिकका हात-हातमा ट्याब

साउन १६, २०७५ बुधबार १८:५९:२४ | बेदानन्द जाेशी

काठमाडौं – कहाँ कतिबेला र कसरी सवारी दुर्घटना भयो भनेर थाहा पाउन नयाँ सुरक्षा प्रणाली अपनाइने भएको छ । ट्राफिक प्रहरीलाई प्रविधियुक्त बनाएर दुर्घटनाको रेकर्ड राख्न नयाँ प्रणाली लागू हुने उपत्यका सहरी यातायात योजना प्रमुख पदम बहादूर शाहीले बताउनुभयो ।

विश्व वैंकको सहयोगमा नेपाल भारत क्षेत्रीय व्यापार तथा पारवहन आयोजनाले काठमाडौं उपत्यकाभित्रका ३५ वटा र काठमाडौंदेखि वीरगञ्जसम्म ३० वटा गरी जम्मा ६५ वटा ट्राफिक स्टेसनमा यो प्रणाली जोडेर सवारी दुर्घटनाको रेकर्ड राख्ने भएको छ । यससम्बन्धी सम्पूर्ण काम सकिसकेको र त्यसलाई प्रयोगमा ल्याउन एक महिना मात्र लाग्ने शाहले बताउनुभयो ।

नेपालभरि हुने कुल सडक दुर्घटनाको ७० प्रतिशत दुर्घटना यही रुटमा हुने भएकाले पहिला यहाँ लागू गरिन लागेकोे हो । यसको लागि ट्राफिकलाई ट्याबलेट उपलब्ध गराइने छ । दुर्घटना हुनेबित्तिकै घटनास्थलमा पुगेर ट्राफिकले दुर्घटनाको प्रवृत्ति र दुर्घटनास्थलको फोटो खिचेर नक्सासहित रेकर्ड राख्न मिल्नेछ । यसरी राखिएको रेकर्ड ट्राफिक स्टेसनमार्फत सर्भरमा पठाइने र चाहिएको बेला हेर्न मिल्ने छ । जसले गर्दा दर्घटनाबारे थप अनुसन्धान गर्न र सडक सुरक्षा व्यवस्थापन गर्न सजिलो हुने शाहले बताउनुभयो ।

सडक दुर्घटनाको कारण बुझेर कुन ठाउँमा कसरी दुर्घटना भयो भन्ने कुरा जानकारी थाहा पाउन यो प्रणाली प्रभावकारी हुनेछ । आजसम्म भएका दुर्घटनाहरु कुन मोडमा कसरी भए र के कारणले भए भन्ने यकिन डाटा राख्न नसक्दा सडक सुरक्षा प्रणाली कमजोर बनेको हो ।

अहिले दुर्घटना कम गर्नुपर्यो भनेर सरकारले बजेट दिए पनि त्यसलाई कहाँ प्रयोग गर्ने भन्ने नै थाहा छैन । अब यो प्रणालीसंगै दुर्घटनाको प्रकृति सहित सडकको अवस्था पनि रेकर्ड रहने भएकाले नयाँ कार्ययोजना निर्माणमा यो प्रभावकारी हुने शाहले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बेदानन्द जाेशी

उज्यालाेमा कार्यरत बेदानन्द जाेशी वैदेशिक रोजगारी र समसामयिक विषयमा कलम चलाउनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्