सङ्खुवासभाको मकालुमा पहिरो, अरुण नदी आंशिक रुपमा थुनियो

असार ७, २०७७ आइतबार १४:५:६ | नवीन गुरुङ

सङ्खुवासभा – मकालु गाउँपालिका वडा नम्बर २ र ५ मा पर्ने बोयामफेदी भन्ने ठाउँबाट पहिरो झरेर अरुण नदीको केही भाग थुनिएको छ ।

केही दिनदेखि परेको अविरल वर्षाको कारण गए राति पहिरो खस्दा अरुण नदी आंशिक रुपमा थुनिएको जिल्ला प्रहरी कार्यालय सङ्खुवासभाका प्रहरी नायब उपरीक्षक (डीएसपी) नवराज मल्लले बताउनुभयो । उहाँका अनुसार गए रातिको पहिरोले स्थानीय ललितबहादुर राई र उहाँका छोरा जयप्रकाश राईको सात जनाको परिवार विस्थापित भएको छ ।

विस्थापित परिवारलाई घरबाट केही टाढा रहेको समथर भूभागमा राखिएको छ । ललितबहादुरको घरमाथिबाट झरेको पहिरोले अरुण नदी थुनिदा करिब ३ सय मिटर क्षेत्रमा पानी जमेर ड्याम बनेको छ ।

ललितबहादुरको साथै २ नम्बर वडा सदस्य हिरालाल राई र बिर्खबहादुर राईको गोठसमेत उच्च जोखिममा परेको छ । पहिरोको कारण स्थानीयहरु त्रसित बनेका छन् । गए रातिदेखि गएको पहिरो अझै पनि रोकिएको छैन । अहिले पनि आंशिकरुपमा पहिरो झरिरहेको प्रहरीको भनाइ छ । घटनाको सम्पूर्ण विवरण आइ नसकेको जिल्ला प्रहरी कार्यालय सङ्खुवासभाका प्रनाउ मल्लको भनाइ छ ।

अरुण थुनिएपछि बहुचर्चित नौ सय मेगावाट क्षमताको अरुण तेस्रो आयोजनाको ड्याम साइड फ्याक्सिन्दा र पुखुवा आसपास क्षेत्रसमेत जोखिममा परेको छ । अरुण नदीसँगै हेलुवाबेसी, चेवाबेसी, मनकामनालगायतका क्षेत्रका नदी आसपासका स्थानीयहरुमा जोखिम बढेको छ ।

स्थानीय प्रशासनले सतर्क र सचेत रहनसमेत आग्रह गरेको छ । यो क्षेत्रमा गएको वर्षसमेत पहिरोले ठूलो क्षति पुर्‍याएकाे थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्