भारतमा अर्को वर्षको अन्त्यसम्ममा दैनिक झण्डै तीन लाख कोरोनाका बिरामी थपिन सक्छन् : एमआईटी

असार २५, २०७७ बिहीबार १३:११:२२ | एजेन्सी

काठमाण्डौ – सन् २०२१ को अन्त्यसम्ममा भारतमा दैनिक झण्डै तीन लाख जना कोरोना भाइरस ९कोभिड–१९० बाट सङ्क्रमित हुन सक्ने एक अध्ययनले देखाएको छ ।

कोरोना महामारीकै बीच मेसाचुसेट्स इन्स्टिच्युट अफ टेक्नोलोजी (एमआईटी) ले गरेको एक अध्ययनले कोभिड १९ को उपचार तथा भ्याक्सिनको अभावले गर्दा अर्को वर्षको अन्त्यसम्म भारतमा दैनिक दुई लाख ८७ हजार मानिस कोरोना भाइरसबाट सङ्क्रमित हुन सक्ने देखाएको हो ।

एमआईटीका सोधकर्ताहरुले ८४ देशका ४ दशमलव ७५ अर्ब मानिसहरुको तथ्याङ्क अध्ययन गरेर महामारी विज्ञानको एउटा मोडेल विकास गरेका छन् ।

एमआईटीका प्रोफेसर हजीर रहमानदाद, जोन स्टरम्यान र पीएचडी शोधार्थी त्से याङ्ग लिमले गरेको अध्ययनले सन् २०२१ को हिउँदसम्म दैनिक कोरोना सङ्क्रमणको घटना देखिने दश देशको शीर्ष स्थानमा भारत रहेको छ ।
त्यसपछि अमेरिका, दक्षिण अफ्रिका, इरान, इण्डोनेसिया, बेलायत, नाइजेरिया, टर्की, फ्रान्स र जर्मनी रहेका छन् ।

अनुसन्धानकर्ताले यो अनुमान परीक्षणको अवस्था, व्यवहारगत तथा नीतिगत आधारमा संवेदनशील भएको जनाएका छन् । यो अनुमान भविष्यमा घट्ने घटनाको पूर्वानुमान नभएर यसलाई सम्भावित खतराको सङ्केतको हिसाबमा देख्नुपर्ने अनुसन्धानकर्ताको भनाइ छ ।

यस्तै तीव्र परीक्षणको कारण भविष्यमा सङ्क्रमित थपिने क्रममा कमी आउने पनि अनुसन्धानकर्ताले बताएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्