जाजरकाेट पहिराे अपडेट : शनिबार थप २ जनाकाे शव भेटियाे, ३ जना अझै बेपत्ता

असार २७, २०७७ शनिबार १८:५६:२३ | बालकुमार शर्मा

जाजरकोट – बारेकोट गाँउपालिका ४ को सार्की टोलमा गएको पहिरोमा परि बेपत्ता भएका थप दुई जनाको शब शनिबार भेटिएको छ । योसँगै मृतकको सङ्ख्या नौ पुगेको छ । पहिरोले दुई घर बगाउँदा १२ जना बेपत्ता भएका थिए ।

पहिरोमा परि बेपत्ता भएका ३८ वर्षीया कलु सार्की र उहाँका ६ वर्षीय छोरा सुभास सार्कीको शव शनिबार भेटिएको हो । साथै यसअघि शव फेला परेर पनि पहिचान हुन नसकेकोमा कुशे ९ चौराटाका १४ वर्षीया गौरी सार्की र १६ वर्षीया कविता सार्की भन्ने पहिचान भएको प्रहरी प्रमुख तथा प्रहरी नायब उपरीक्षक (डीएसपी) किशोर श्रेष्ठले जानकारी दिनुभयो । उनीहरु कलु सार्की (दिदी) को घरमा पाहुना लाग्न आएका थिए ।

पहिरोमा परि बारेकोट ४ का ५२ वर्षीय गोपाल सार्की र उहाँका ११ वर्षीय छोरा अर्जुन सार्की र कलु सार्की (दिदी) को घरमा पाहुना आएका कुशे ९ चौताराका २० वर्षीया डिल्ली सार्की, १४ वर्षीया तिर्सा सार्की र १८ वर्षीय वीरेन्द्र सार्कीको शवको पनि पहिचान भइसकेको हो ।

पहिरोमा पुरिएका अझै तीन जना भेटिएका छैनन् । पहिरोका कारण बारेकोटका विभिन्न गाँउका दुई सय बढी परिवार विस्थापित भएका छन । घाइते भएका दुई जनालाई शनिबार हेलिकप्टरमार्फत उद्धार गरेर सुर्खेत लगिएको छ । पहिरोमा गम्भीर घाइते भएका बारेकोट ४ का ५६ वर्षीय लालबहादुर नेपाली र बारेकोट ६ धुमाखोलामा आएको बाढीले बगाउँदा घाइते भएका सात वर्षीय रामचन्द्र चलाउनेलाई कर्णाली प्रदेश सरकारले पठाएको नेपाली सेनाको हेलिकोप्टरमार्फत उद्धार गरिएको जाजरकोटका डीएसपी श्रेष्ठले जानकारी दिनुभयो ।

जाजरकोटको बारेकोटका विभिन्न स्थानमा गरी आठ घर पहिरोले बगाएको थियो । यस्तै वडा नम्बर ६ को धुममा खोलाले बगाएको दुई जनाको खोजी भइरहेको बारेकोट गाउँपालिकाका निमित्त प्रमुख प्रशासकीय अधिकृत गोविन्दबहादुर सिंहले जानकारी दिनुभयो ।

सशस्त्र प्रहरी बल, नेपाल प्रहरी, स्थानीयवासी र जनप्रतिनिधिरुले खोजी कार्यलाई तीव्रता दिए पनि निरन्तर पानी परेको कारण खोजी गर्न कठिन भएको प्रहरीले जनाएको छ ।

पालिकाका वडाध्यक्ष अजवी सिंहसमेत विस्थापित भएपछि पाल हालेर बस्नुभएको छ । शनिबार बिहानैदेखि पहिरोबाट विस्थापित भएकाको विवरण अद्यावधिक गरिरहेको जनाएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बालकुमार शर्मा

बालकुमार शर्मा जाजरकोटका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्