तपाईँलाई के चाहियो ? ‘वरिपरि’ छ

भदौ २८, २०७७ आइतबार १५:३९:२३ | उज्यालो सहकर्मी

काठमाण्डौ – पटक–पटकको लकडाउन र निषेधाज्ञाले व्यवसाय थलिएको सन्दर्भमा ग्राहकसम्म पुगेर आफ्ना वस्तु तथा सेवाको बिक्री गर्नुपर्ने बाध्यात्मक अवस्थामा मोबाइल एप ‘वरिपरि’ सरल उपाय बनेर आएको छ ।

कुनै पनि ठाउँ आसपासका व्यवसायले प्रदान गर्ने वस्तु तथा सेवाका बारेमा ग्राहकलाई जानकारी दिन वरिपरि एप तयार गरिएको छ ।

कुनै पनि व्यवसायीले आफ्नो पसल तथा कार्यालयको वस्तु वा सेवा बेच्न आफ्नो व्यवसायलाई विना लगानी वरिपरि एपमा दर्ता गर्न सक्छन् । यसरी व्यवसायी डिजिटल माध्यमबाट उपभोक्तासँग सजिलै पुगी व्यवसायको वृद्धि गर्न सक्ने वरिपरि नेपाल प्रालीका संस्थापक राज रेग्मी बताउनुहुन्छ ।

व्यवसाय दर्ता गर्न मोबाइलमा एप डाउनलोड गरी नाम र मोबाइल नम्बर राखेर एकाउन्ट खोल्न सकिन्छ । एकाउन्ट खोलेपछि ‘क्रिएट स्टोर’ मा गइ आफ्नो व्यवसायको नाम र स्थान उल्लेख गर्नुपर्ने हुन्छ । जुनसुकै व्यवसाय वरिपरिमा दर्ता गर्न सकिने रेग्मीले बताउनुभयो ।

वरिपरि एपमा दर्ता गरेपछि व्यवसायीले आफ्नो सेवा अवधि तोक्न मिल्छ, यसो गर्दा ग्राहकले एपमा हेर्दा त्यो समयमा सम्बन्धित व्यवसाय खुला छ कि बन्द छ भनेर जानकारी लिन सक्छन् ।

होम डेलिभरीको व्यवस्था छ कि छैन अनि भुक्तानीका विकल्पहरु (बैंक कार्ड, ई–सेवा, खल्ती, सेल पे) के/के छन् भनेर पनि एपमै उल्लेख गरेपछि ग्राहकलाई सहज बनाउन सकिन्छ ।

अहिलेको प्रतिस्पर्धात्मक बजारमा व्यवसायलाई बजारीकरण गर्नको लागि ठूलो लगानी गर्नुपर्ने र क्षतिसमेत बेहोर्नु पर्ने समयमा वरिपरि एपले क्रेता र विक्रेतालाई एकै ठाउँमा ल्याइ सहजता प्रदान गर्ने रेग्मीले बताउनुभयो । स्थानीयस्तरमा उत्पादित वस्तु तथा सेवाको उपभोग बढाउनु र ग्राहकको शपिङ सहजतामा ख्याल गर्नु वरिपरि एपको मुख्य लक्ष्य रहेको उहाँको दाबी छ ।

आफ्नो नजिकैका ग्राहकलाई व्यवसायको बारेमा जानकारी प्रचार गर्न नसक्दा नजिकका ग्राहक पनि सेवा लिन टाढा जानु र ग्राहकको समेत समय र पैसा दुवैको क्षति हुन्छ । यही समस्यालाई मध्यनजर गर्दै क्रेता र बिक्रेतालाई डिजिटल माध्यमबाट एउटै ठाउँमा ल्याउन मोबाइल एप ‘वरिपरि’ सुरु भएको रेग्मीले बताउनुभयो ।

नयाँ ठाउँ पुगेका व्यक्तिलाई वरिपरि एप शपिङ गाइड नै बन्नेछ । वरिपरि एपको आधिकारिक वेबसाइट www.oripari.com बाट थप जानकारी लिन सकिन्छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्