५ दिनकाे बिदापछि खुलेकाे शेयर बजार सकारात्मक, नेप्से ४१ दशमलव २० अङ्कले बढ्याे

कात्तिक १२, २०७७ बुधबार १८:२१:३१ | उज्यालो सहकर्मी

काठमाण्डाै – पाँच दिनको बिदापछि बुधबार खुलेको शेयर बजार कारोबार रकम र सूचकका आधारमा निकै उत्साहपूर्ण रहेको छ । नेपाल स्टक एक्सचेज (नेप्से) परिसूचक ४१ दशमलव २० अङ्कले बढेर १ हजार ६ सय ४७ दशमलव ४६ विन्दुमा पुगेको छ ।

बुधबार बैंकिङ समूह एकैदिन ४ दशमलव २७ प्रतिशत बढेर १ हजार ३ सय ४७ दशमलब २३ अङ्कमा पुगेको छ । विकास बैंक समूहमा २ दशमलव ९१ प्रतिशतबाहेक अन्य उपसूचकमा भने सामान्य बढेको छ ।

बुधबार एक सय ६७ कम्पनीको शेयर कारोबार भएकोमा एक सय ३२ वटा कम्पनीको शेयर मूल्य बढेको छ । २५ वटा कम्पनीको मूल्य घट्दा १० वटा कम्पनीको मूल्य भने तटस्थ रहेको छ । बढ्दो बजारमा पनि मूल्य गुमाउनेमा भने धेरैजसो हाइड्रोपावर कम्पनी रहेका छन् । बजार खुलेको सुरुमा सामान्य उतारचढाव देखिए पनि बुधबार समग्र बजार अन्तिमसम्म पनि निरन्तर रुपमा बढेर बन्द भएको छ ।

बुधबार नेप्सेसँगै कारोबार रकम पनि बढेको छ । बुधबार १८८ कम्पनीको २ अर्ब ७२ करोड ५९ लाख ९४ हजार रुपैयाँ बराबरको ९३ लाख २२ हजार ८५ कित्ता शेयर खरिद/बिक्री भएको छ । शेयर बजारको लागि चाडपर्वको अवधि ‘अफ सिजन’ मानिन्छ । अघिल्ला वर्षहरुमा दशैँको घटस्थापनादेखि छठपर्वसम्मै बजार खस्कन्थ्यो । तर यो वर्ष दशैँ बिदा सकिएलगत्तै बजार सकारात्मक भएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्