तानसेन जीप दुर्घटना : घाइतेलाई थप उपचारका लागि हेलिकप्टरबाट काठमाडौं पठाइयो

साउन २८, २०७५ सोमबार १९:५७:४६ | देव पचभैया

पाल्पा – दुई जनाको ज्यान जाने गरी आइतबार पाल्पामा भएको जीप दुर्घटनाका घाइतेलाई थप उपचारको लागि हेलिकप्टरबाट काठमाडौं लगिएको छ ।

बगनासकाली गाउँपालिका ३ की २६ वर्षीया लक्ष्मी बस्याल र उनका ५ वर्षीय छोरा नवीनको अवस्था जटिल रहेकोले थप उपचारको लागि काठमाडौंको ग्राण्डी अस्पताल पठाइएको मिसन अस्पताल पाल्पाकी निर्देशक डाक्टर रचेल कारकले जानकारी दिनुभयो ।

तानसेन नगरपालिका –४, बडिज्ञानटोलमा ग १ च ६७४८ नम्बरको पिकअप जीप ओरालोमा अनियन्त्रित भई दुर्घटना हुँदा बगनाकाली गाउँपालिका –३, का ८ महिने बालक निशान्त बस्याल र तानसेन –६, बर्तुङ्गकी कमला पाण्डेको ज्यान गएको थियो ।

अर्का घाइते नवलपरासी सुनवल नगरपालिका –२, प्रगतिटोलका ५१ वर्षीय रामजी चौधरीको युनाइटेड मिसन अस्पताल तानसेनमै उपचार भइरहेको छ । ठक्कर दिने जीप र चालक कमल खत्रीलाई नियन्त्रणमा लिएर थप अनुसन्धान भैरहेको जिल्ला प्रहरी कार्यालय पाल्पाले जनाएको छ ।

अन्तिम अपडेट: पुस १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्