भारतीय विदेश सचिव स्वदेश फिर्ता

मंसिर १२, २०७७ शुक्रबार २०:१७:२४ | उज्यालो सहकर्मी

काठमाण्डाै – दुई दिने नेपाल भ्रमणमा आउनुभएका भारतीय विदेश सचिव हर्षवर्द्धन शृङ्गला शुक्रबार साँझ स्वदेश फिर्ता हुनुभएकाे छ ।

नेपालको भ्रमण सफलतापूर्वक सम्पन्न गरी शुक्रबार साँझ उहाँ विशेष विमानबाट नयाँ दिल्लीतर्फ प्रस्थान गर्नुभयो । त्रिभुवन अन्तर्राष्ट्रिय विमानस्थलमा उहाँलाई परराष्ट्र सचिव भरतराज पौड्याल तथा नेपालका लागि भारतका राजदूत विनयमोहन क्वात्राले बिदाइ गर्नुभयो ।

बिहीबार दिनभर नेपालका उच्च सरकारी अधिकारीसँग बेग्लाबेग्लै भेटवार्ता र परामर्शमा व्यस्त शृङ्गलासँग नेपाल–भारत सम्बन्धका सबै पक्षमा गहन छलफल भएका थिए । व्यापार, पारवहन, सम्पर्क सञ्जाल विस्तार, सीमा समस्या समाधान, भौतिक पूर्वाधार, ऊर्जा, कृषि, लगानी, संस्कृति, जनस्तरको सम्बन्ध, कोरोनाको महामारीविरुद्धको लडाइँ र अनुभव आदान–प्रदानलगायत पारस्परिक हित र चासोका सबै विषयमा सौहार्दपूर्ण वातावरणमा छलफल भएका थिए ।

शुक्रबार सचिव शृङ्गलाले भारत सरकारको सहयोगमा गोरखामा निर्मित तीन विद्यालय भवनको उद्घाटन गरेर पालिकालाई हस्तान्तरण गर्नुभएकाे थियाे ।

भारतीय विदेश सचिवकाे भ्रमणलाई लिएर विज्ञहरूले नेपाल–भारतबीचकाे संवादहीनता ताेडिएकाे बताएका छन् ।

अन्तिम अपडेट: माघ १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्